18.12.2025 | 16:27
Ալեն Սիմոնյանն ընդունել է ՀՀ-ում Շվեյցարիայի նորանշանակ դեսպանին
Վրաստանին ԵՄ թեկնածու երկրի կարգավիճակ տրվեց
Քաղաքականություն
14.12.2023 | 22:04
Եվրամիության անդամ երկրների և կառավարությունների ղեկավարները Բրյուսելում տեղի ունեցած գագաթնաժողովում որոշել են Վրաստանին ԵՄ թեկնածու երկրի կարգավիճակ շնորհել։ Այս մասին X-ում գրառմամբ հայտնել է Եվրոպական խորհրդի ղեկավար Շառլ Միշելը։
«Եվրոպական խորհուրդը Վրաստանին թեկնածուի կարգավիճակ է շնորհել»,- գրել է նա։
Հիշեցնենք, որ 2022 թվականի հունիսին Բրյուսելում կայացած գագաթնաժողովում Ուկրաինային և Մոլդովային ԵՄ թեկնածու երկրների կարգավիճակ էր շնորհվել, Վրաստանին՝ ոչ։ ԵՄ-ն Վրաստանին նման կարգավիճակի տրամադրումը պայմանավորել էր մի շարք պայմանների կատարմամբ։
ԵՄ դիվանագիտության ղեկավար Ժոզեպ Բորելը այս տարվա սեպտեմբերին Թբիլիսի կատարած այցի ժամանակ հայտնել էր, որ Վրաստանը մինչ այժմ կատարել է Եվրահանձնաժողովի կողմից առաջադրված 12 պայմաններից միայն երեքը՝ թեկնածու երկրի կարգավիճակ ստանալու համար։
