23.02.2026 | 20:00
Իրանի դեմ ԱՄՆ-ի ռազմական գործողությունների վտանգը մեծ է․ դիվանագիտական գործարքի շանսը նվազ է․ Արմեն Պետրոսյան․ ՏԵՍԱՆՅՈՒԹ
Թուրքիան և Ադրբեջանը ՌԴ-ին ձու կմատակարարեն՝ ներքին շուկայի պահանջարկի բավարարման համար
Քաղաքականություն
13.12.2023 | 23:02
Ռուսաստան Ադրբեջանից ձվի առաջին մատակարարումները սպասվում են մինչև շաբաթվա վերջ, Թուրքիայից՝ առաջիկայում, իսկ ահա երկրում ձվի գների կայունացում է կանխատեսվում առաջիկա ամսվա ընթացքում։ Այս մասին հայտնել է ՌԴ Գյուղատնտեսության նախարարության մամուլի ծառայությունը, գրում է ՏԱՍՍ-ը։
«Որպես ներքին շուկայի պահանջարկը հագեցնելու օպերատիվ միջոց՝ որոշում է կայացվել զրոյացնել հավի ձվի ներմուծման մաքսատուրքերը, և բանակցություններ են տարվում նաև բարեկամ երկրների հետ՝ այդ ապրանքների մատակարարումն ավելացնելու համար։ Ադրբեջանից առաջին մատակարարումները սպասվում են այս շաբաթվա վերջին, իսկ մոտ ապագայում՝ Թուրքիայից։ Արդյունքում գների դինամիկայի կայունացում է կանխատեսվում առաջիկա ամսվա ընթացքում»,- ասվում է հաղորդագրության մեջ։
Նախարարության տվյալներով՝ 2023 թվականի 10 ամսվա արդյունքներով ձվի արտադրությունն աճել է 2,3 տոկոսով՝ հասնելով 31,74 մլրդ-ի։ Գյուղատնտեսության նախարարությունը տարեվերջին կանխատեսում է շարունակական դրական դինամիկա։
Էմմա Չոբանյան
