08.12.2025 | 15:13
Բաքուն առաջարկել է «3+3» ձևաչափով հանդիպումը նախ անցկացնել Ադրբեջանում, հետո՝ Հայաստանում
ԵՄ-ն 50 տոկոսով կավելացնի Հայաստանում դիտորդների թիվը
Քաղաքականություն
11.12.2023 | 23:26
ԵՄ երկրների ԱԳ նախարարները որոշում են ընդունել Հայաստանում իրենց քաղաքացիական առաքելության թիվն ավելացնել 50 տոկոսով՝ 138-ից հասցնելով 209-ի: ՏԱՍՍ-ի փոխանցմամբ՝ այս մասին ԵՄ ԱԳ նախարարների հանդիպումից հետո կայացած մամուլի ասուլիսի ժամանակ հայտարարել է ԵՄ արտաքին քաղաքական ծառայության ղեկավար Ժոզեպ Բորելը։
«Սա առաքելության թվաքանակի կարևոր աճ է, և դա Ադրբեջանի հետ Հայաստանի միջազգային սահմանի կայունությունը բարձրացնելու միջոց է»,- ասել է Բորելը։
Նրա կարծիքով՝ այժմ տարածաշրջանում խաղաղության հասնելու պատմական հնարավորություն կա, և ԵՄ-ն մտադիր է այդ ուղղությամբ աշխատել Հայաստանի և Ադրբեջանի հետ:
ՀՀ-ում ստեղծված իրավիճակը մեր ամուր աջակցությունն է պահանջում։ Այս մասին ԵՄ Արևելյան գործընկերների գագաթնաժողովի մեկնարկից առաջ հայտարարել էր ԵՄ արտաքին քաղաքականության բարձր ներկայացուցիչ Ժոզեպ Բորելը։
