01.11.2024 | 23:19
Հրդեհ Գյումրու տներից մեկում
Իտալիայում երկու գնացքներ են բախվել․ տուժածներ կան
Քաղաքականություն
11.12.2023 | 21:39
Իտալիայում Բոլոնիա-Ռիմինի երթուղում երկու գնացքների բախման հետևանքով առնվազն 17 մարդ է տուժել։ Այս մասին հայտնել է իտալական Corriere della Sera պարբերականը։
Հստակեցվում է, որ միջադեպը տեղի է ունեցել Ֆաենցա քաղաքի և Ֆորլի կոմունայի միջև ընկած տարածքում։
Գնացքների ազգային օպերատորի ներկայացուցիչն ասել է, որ բոլոր տուժածները թեթև վնասվածքներ են ստացել։
«Բախումը տեղի է ունեցել ցածր արագությամբ ընթացքի ժամանակ, ուստի լուրջ վնասվածքներից հնարավոր է եղել խուսափել»,- ասել է աղբյուրը։
Ներկայում դադարեցված է երթևեկությունը Կաստել Բոլոնեզե և Ֆորլի բնակավայրերի միջև ընկած հատվածում։ Փոխադրողը նախազգուշացրել է արագընթաց և միջքաղաքային գնացքների, ինչպես նաև մարզերի միջև ընթացող գնացքների ուշացումների մասին։
Ընկերությունում ընդգծել են, որ երկաթուղային ընկերության աշխատակիցներն արդեն հոգ են տարել ուղևորների մասին, պատահարի պատճառները պարզվում են։
