14.10.2026 | 13:25
Հայաստանը կլիմայական ապատեղեկատվության դեմ պայքարի միջազգային գործընթացում․ ի՞նչ է արվել, և ի՞նչ բացեր կան
Ատոմ Ջանջուղազյանն ընդունել է ՎԶԵԲ-ում Հայաստանի գծով գործադիր տնօրենին
Տնտեսություն
31.07.2018 | 17:36
Հուլիսի 31-ին ՀՀ ֆինանսների նախարար Ատոմ Ջանջուղազյանն ընդունել է Վերակառուցման և զարգացման եվրոպական բանկում (ՎԶԵԲ) Հայաստանի գծով գործադիր տնօրեն Ֆրանս Վիկերսին. տեղեկացնում է նախարարության լրատվական ծառայությունը:
Հանդիպման ընթացքում կողմերը քննարկել են փոխգործակցության զարգացմանն ուղղված հարցեր, ինչպես նաև նախարարության համակարգման ներքո գտնվող ոլորտների բարեփոխումների օրակարգը: Անդրադառնալով բյուջետային համակարգում իրականացվող բարեփոխումներին` նախարարն ընդգծել է, որ 2019 թվականին բյուջետային ծրագրավորման ներդրումը հնարավորություն կընձեռի առավել ճշգրիտ գնահատել ծախսերի արդյունավետությունը:
Նախարար Ջանջուղազյանը բարձր է գնահատել գործակցությունը բանկի հետ և նշել, որ կա բավարար ներուժ` այն խորացնելու նոր ուղղություններով:
ՎԶԵԲ ներկայացուցիչը հայտնել է, որ բանկն առավելապես համագործակցում է մասնավոր հատվածի հետ և պատրաստ է նպաստել պետություն-մասնավոր հատված գործընկերության ընդլայնմանը:
Անդրադարձ է կատարվել նաև մի շարք այլ հարցերի, որոնք առնչվում են գնումների համակարգի և հարկային ոլորտի բարելավմանը, հարկաբյուջետային կայունությանը:
