23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՌԴ-ի և Իրանի ԱԳ նախարարները միակողմանի պատժամիջոցներին հակազդելու մասին հռչակագիր են ստորագրել
Քաղաքականություն
05.12.2023 | 21:52
Ռուսաստանի ԱԳ նախարար Սերգեյ Լավրովը Մոսկվայում Իրանի արտգործնախարար Հոսեյն Ամիր Աբդոլլահիանի հետ երկկողմ բանակցությունների ընթացքում միակողմանի պատժամիջոցներին հակազդելու մասին համաձայնագիր է ստորագրել, փոխանցում է ՏԱՍՍ-ը։
Փաստաթղթի պաշտոնական անվանումն է՝ Ռուսաստանի Դաշնության և Իրանի Իսլամական Հանրապետության հռչակագիրը միակողմանի հարկադրանքի միջոցների հակազդման, մեղմացման և փոխհատուցման ուղիների և միջոցների մասին:
Հավելենք, որ բանակցությունները տեղի են ունեցել մերձկասպյան երկրների՝ Ադրբեջանի, Իրանի, Ղազախստանի և Թուրքմենստանի արտաքին գործերի նախարարների հետ հանդիպման շրջանակում։
Նշենք նաև, որ դեկտեմբերի 7-ին Իրանի նախագահ Էբրահիմ Ռաիսին մեկնելու է Մոսկվա՝ ՌԴ նախագահ Վլադիմիր Պուտինի հետ բանակցությունների։
Էմմա Չոբանյան
