15.09.2026 | 15:24
Հնարավորություն ունեցա շփվել տեղահանված Ղարաբաղի հայերի հետ․ ԵՄ ներկայացուցիչը՝ Հայաստան այցի մասին
ԱՄՆ-ը Գազայի հատվածը պատերազմից հետո կառավարելու ծրագիր է մշակել․ Politico
Քաղաքականություն
05.12.2023 | 22:50
ԱՄՆ նախագահ Ջո Բայդենի վարչակազմը մշակել է փուլային ծրագիր, որը նախատեսում է նորացված Պաղեստինի ինքնավարություն, որը պատերազմից հետո, ի վերջո, վերահսկողություն կսահմանի Գազայի հատվածի նկատմամբ: Ամերիկացի պաշտոնյաները դա համարում են վատ տարբերակներից լավագույնը, գրում է Politico-ն։
Պետքարտուղար Էնթոնի Բլինքենը և վարչակազմի այլ պաշտոնյաներ հրապարակայնորեն հայտարարել են, որ Պաղեստինի ինքնավարությունը պետք է կառավարի Գազայի հատվածը: Այնուամենայնիվ, նրանք արդեն հանդիպել են Իսրայելի վարչապետ Բենիամին Նեթանյահուի դիմադրությանը, որը փաստացիորեն բացառել է Գազայի հատվածում Պաղեստինի ինքնավարության հետագա դերը:
Իսրայելի պաշտոնյաները հիմնականում չեն ցանկանում ներկայիս պատերազմից դուրս որևէ հարց քննարկել: Սակայն պլանների հետևում կանգնած ամերիկացի ստրատեգները շարունակում են վերադառնալ Պաղեստինի ինքնավարության վարչակազմի հարցին, որը կառավարում է Արևմտյան ափի որոշ հատվածներ: Ըստ նրանց՝ սա ամենաիրատեսական տարբերակն է։
«Մենք խրվել մնացել ենք: Պաղեստինի ինքնավարության համար կա ուժեղ քաղաքական առավելություն Գազայի հատվածում ղեկավար դեր խաղալու համար, բայց այն ունի լեգիտիմության և կարողությունների հետ կապված լուրջ խնդիրներ»,- բացատրել է Պետքարտուղարությունը:
Ընդարձակ հայեցակարգը վերաբերում է Գազայի բազմափուլային վերակառուցմանը՝ իսրայելական ուժերի և ՀԱՄԱՍ-ի զինյալների միջև ծանր մարտերի ավարտից հետո: Պաշտոնյաները շեշտել են, որ առաջ քաշվող գաղափարներն իրենց սկզբնական շրջանում են և կախված են բազմաթիվ անկանխատեսելի փոփոխականներից: ԱՄՆ պաշտոնյաներն ակնկալում են, որ ծանր մարտերը կշարունակվեն առնվազն ևս մի քանի շաբաթ:
