24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Պուտինը, Թեյլոր Սվիֆթն ու Բարբի տիկնիկը՝ TIME-ի «Տարվա մարդու» հավակնորդների ցուցակում
Քաղաքականություն
05.12.2023 | 23:30
Ամերիկյան TIME ամսագիրը հրապարակել է 2023 թվականի «Տարվա մարդու» կոչման հավակնորդների կարճ ցուցակը։ Ընտրվել են ինը թեկնածուներ։
Նրանց թվում են Հոլիվուդի դերասաննների ու սցենարիստների գործադուլի մասնակիցները, Չինաստանի ղեկավար Սի Ցզինպինը, ամերիկացի երգչուհի Թեյլոր Սվիֆթը, արհեստական բանականության մշակմամբ զբաղվող Open AI-ի գործադիր տնօրեն Սեմ Ալթմանը, ԱՄՆ նախկին նախագահ Դոնալդ Թրամփի դատավարությունում ներգրավված դատախազները, Բարբի տիկնիկը, որը դարձել է Գրետա Գերվիգի համանուն ֆիլմի գլխավոր հերոսը, ՌԴ նախագահ Վլադիմիր Պուտինը, Մեծ Բրիտանիայի թագավոր Չարլզ III-ը, ԱՄՆ Դաշնային պահուստային համակարգի նախագահ Ջերոմ Փաուելը։
2022 թվականին TIME-ի վարկածով «Տարվա մարդ» էր ճանաչվել Ուկրաինայի նախագահ Վլադիմիր Զելենսկին, ինչպես նաև «Ուկրաինայի ոգին», որոնք դիմադրում էին ռուսական ագրեսիային։
2023 թվականի «Տարվա մարդը» կհայտարարվի դեկտեմբերի 6-ին։
Էմմա Չոբանյան
