07.11.2026 | 12:54
Գևորգ Էմին-Տերյանի նկատմամբ ֆիզիկական ներգործության կատարելու կասկածանքով 3 անձ է ձերբակալվել. ՆԳՆ
«Պատժամիջոցները կտևեն տարիներ». ԱՄՆ-ը մտադիր է մինչև 2030թ․ կրկնակի կրճատել նավթից և գազից ՌԴ-ի եկամուտները
Քաղաքականություն
01.12.2023 | 22:24
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Միացյալ Նահանգները դեռ երկար տարիներ կպահպանի Ռուսաստանի դեմ պատժամիջոցները, և մինչ նախագահ Վլադիմիր Պուտինը շարունակում է պատերազմել Ուկրաինայի դեմ, և նույնիսկ երբ այն ավարտվի, որպեսզի թույլ չտա նրան վերազինվել և շարունակել իր ագրեսիվ քաղաքականությունը: Այս մասին Financial Times-ին ասել է ԱՄՆ պետքարտուղարի էներգետիկ հարցերով օգնական Ջեֆրի Պայատը։
Վաշինգտոնը կփորձի մինչև տասնամյակի վերջ կիսով չափ կրճատել նավթադոլարների հոսքը դեպի Ռուսաստան, բացատրել է նա։
«Այս պատժամիջոցների նպատակն է փոխել ռուսական վարքագիծը և այնպես անել, որ երբ ինչ-որ խաղաղություն հաստատվի, Պուտինը չկարողանա վերազինվել երեք-չորս տարվա ընթացքում՝ նախապատրաստելով իրեն և իր զինված ուժերին Ուկրաինա ներխուժման երրորդ փուլին»,- նշել է ամերիկացի պաշտոնյան։
Միջազգային էներգետիկ գործակալության (IEA) կանխատեսումների համաձայն՝ մինչև 2030 թվականը Ռուսաստանից նավթի և գազի արտահանումը կարող է նվազել 40-50%-ով, եթե պատժամիջոցները շարունակվեն։
«Մենք կանենք մեր ուժերի սահմաններում ամեն ինչ, որպեսզի համոզվենք, որ դա տեղի կունենա»,- ասել է Պիատը:
Նրա խոսքով՝ դրա համար ԱՄՆ-ը մտադիր է, մասնավորապես, նվազեցնել ստվերային նավատորմի արդյունավետությունը, որն օգնում է Ռուսաստանին նավթ արտահանել՝ շրջանցելով արևմտյան երկրների կողմից սահմանված գնային վերին շեմը։
