24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
Գերմանիայի ԱԳ նախարարը կոչ է արել «ձմեռային վահան» ստեղծել Ուկրաինայի վրա
Քաղաքականություն
29.11.2023 | 19:35
Ուկրաինայի դաշնակիցներն ամբողջ աշխարհում պետք է «պաշտպանական վահան» ստեղծեն երկրի վրա՝ ձմռանը ռուսական հարձակումներից պաշտպանելու համար: Բրյուսելում ՆԱՏՕ-ի արտգործնախարարների հանդիպման շրջանակում նման կոչ է արել Գերմանիայի արտաքին գործերի նախարար Անալենա Բերբոքը, փոխանցում է DW-ի ռուսական ծառայությունը։
«Ռուսաստանի թիրախը կրկին քաղաքացիական ենթակառուցվածքներն են։ Նման հարձակումները նախատեսված են ձմռանը ուկրաինացիներին էլեկտրականությունից և տաք ջրից զրկելու համար»,- ընդգծել է Բերբոքը լրագրողների հետ զրույցում:
Բեռլինն արդեն Կիևին է տրամադրել էլեկտրական գեներատորներ և Patriot հակաօդային պաշտպանության համակարգեր, ասել է Գերմանիայի ԱԳՆ ղեկավարը՝ կոչ անելով Ուկրաինայի մյուս դաշնակիցներին ամբողջ աշխարհում հետևել այդ օրինակին։
Ավելի վաղ Բրյուսելում անցկացված հանդիպմանը հրավիրված Ուկրաինայի արտգործնախարար Դմիտրի Կուլեբան հայտարարել էր, որ իր երկիրն արդեն ստացել է ԵՄ-ի խոստացած մեկ միլիոն արկերից 300 հազարը։
Reuters-ի հաղորդմամբ՝ լրագրողների հետ զրույցում Կուլեբան կոչ է արել խորացնել համագործակցությունը Ուկրաինայի պաշտպանական արդյունաբերության և ՆԱՏՕ-ի երկրների միջև՝ Ռուսաստանին հաղթելու համար Կիևին անհրաժեշտ պաշարները մատակարարելու նպատակով։
