04.04.2026 | 16:35
«Օրիոն»-ն անցել է դեպի Լուսին ճանապարհի կեսից ավելին
Ռոման Բերեզովսկին մասնակցել է լեգենդների հանդիպմանը Կակայի, Ռիվալդոյի, Բատիստուտայի և այլ աստղերի հետ
29.11.2023 | 14:23
Հայաստանի հավաքականի նախկին դարպասապահ Ռոման Բերեզովսկին Չինաստանի Ուհան քաղաքում մասնակցել է լեգենդների հանդիպմանը. գրում է armsport.am-ը։
Հարավային Ամերիկայի և Եվրոպայի աստղերի թիմերը հանդիպել են Ուհանում կայացած բարեգործական հանդիպմանը: Ռոման Բերեզովսկին պաշտպանել է Եվրոպայի թիմի դարպասը և օգնել է իր թիմին հաղթել 11 մետրանոց հարվածաշարում: Հանդիպման հիմնական ժամանակն ավարտվել է 5-5 հաշվով։
Եվրոպական աստղերի թիմում ընդգրկված էին այնպիսի խաղացողներ, ինչպիսիք են Ռոման Բերեզովսկին, Մարկո Մատերացին, Ռոբերտո Բաջոն, Լուիշ Ֆիգուն, Ֆրանչեսկո Տոտտին, Կլարենս Զեդորֆը, Գեորգիոս Կարագունիսը, Քրիստիան Պանուչին և այլք:
Հարավային Ամերիկայի հավաքականի կազմում հանդես են եկել այնպիսի աստղեր, ինչպիսիք են՝ Կական, Ռիվալդոն, Գաբրիել Բատիստուտան, Իվան Կորդոբան, Անտոնիո Վալենսիան, Ադրիանոն, Ջովանի Օլիվեյրան և այլք։
Հանդիպումը կայացել է նոյեմբերի 26-ին:
