23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
Թուրքիայի 4,2 մլրդ դոլարանոց Սևծովյան մայրուղին կրկին վնասվել է փոթորկից
Քաղաքականություն
28.11.2023 | 21:53
Թուրքիայի Սևծովյան մայրուղին կրկին տուժել է ահռելի ալիքներից՝ երկրի հյուսիսում օրեր շարունակ շարունակվող փոթորկի պատճառով։ Հորդառատ անձրևներից հետո ծովի ջրերի բարձրացումը մայրուղին դարձրել է անօգտագործելի, շատ մեքենաներ մնացել են ալիքների տակ, գրում է Duvar-ը։
Նշվում է, որ Գիրեսուն նահանգում չորս մետր բարձրությամբ ալիքները կայծակնաձողերի վրա պայթյուններ են առաջացրել։ Նահանգապետարանը, որպես կանխագելիչ միջոց, հայտարարել է ճանապարհի փակման մասին։
Երկրի այլ նահանգներում, այդ թվում՝ Ռիզեում, Տրապիզոնում և Գիրեսունում, ծովի ալիքներով բերված ժայռաբեկորները խանգարում են երթևեկությանը։
Իշխող «Արդարություն և զարգացում» կուսակցությունը 2007 թվականին է բացել ճանապարհը, որն արժեցել էր մոտ 4,2 միլիարդ դոլար՝ չնայած տեխնիկական և բնապահպանական խնդիրների վերաբերյալ փորձագետների կողմից հնչող բոլոր առարկություններին։ Տարիներ շարունակ նախագծի դեմ բողոքել են նաև տեղացիները։
Մայրուղին կառուցվել է՝ վնասելով բնական ափերը, որոնք ունեն հզոր ալիքներ և տարիների ընթացքում բազմաթիվ փլուզումներ են եղել։ Այն հաճախակի է հեղեղվում, քանի որ փակել է մոտակա համայնքների բնական ջրահեռացման ուղիները, որը հանգեցրել է նաև մարդկային զոհերի։
Էմմա Չոբանյան
