25.02.2026 | 12:29
Ֆինն Գերագուսյանը դուբլի հեղինակ է դարձել Անգլիայում․ ՏԵՍԱՆՅՈՒԹ
«Դարի փոթորիկ»՝ Ղրիմում. կես միլիոն բնակիչ մնացել է առանց էլեկտրականության․ ՏԵՍԱՆՅՈՒԹ
Քաղաքականություն
27.11.2023 | 11:27
Սև ծովում մոլեգնող հզոր փոթորկի պատճառով ՌԴ կողմից բռնակցված Ղրիմում մոտ 500 հազար մարդ մնացել է առանց էլեկտրականության։ Այս մասին Telegram-ի իր ալիքում հայտնել է Ղրիմի ղեկավարի խորհրդական Օլեգ Կրյուչկովը, գրում է DW-ի ռուսական ծառայությունը։
Նրա տեղեկություններով՝ ամենաշատը տուժել են թերակղզու Սևծովյան, Սակի, Բելոգորսկի, Սիմֆերոպոլի, Օկտյաբրսկի, Բախչիսարայի և Լենինսկի շրջանները։ Ղրիմի հարավային և հարավարևելյան ափերի մոտ ալիքները հասնում են 8-9 մետրի։
Տեղական տելեգրամյան ալիքները գրում են, որ քամին պոկում է տանիքներ, տապալում ծառեր ու էլեկտրասյուներ։ Նաև հրապարակվում են հեղեղված տների և ճանապարհների տեսանյութեր։ Ռուսական և ուկրաինական լրատվամիջոցների գնահատականներով՝ Սև ծովում մոլեգնող փոթորիկը վերջին հարյուր տարվա ընթացքում ամենաուժեղն է։
Ըստ թերակղզու իշխանությունների՝ Սակի-Եվպատորիա մայրուղին ամբողջությամբ փակվել է վատ եղանակի պատճառով, Եվպատորիայում հեղեղված տներից 150 մարդ է տարհանվել։ Նոյեմբերի 27-ը ոչ աշխատանքային օր է հայտարարվել։
Տեսանյութը՝ այստեղ։
