08.07.2026 | 23:00
ՀԷՑ-ում 7-8 մլրդ դրամի ապրանք կար, որ գնել էին, բայց ՀԷՑ-ի կարիքների համար պիտանի չէին․ Պետրոսյան. ՏԵՍԱՆՅՈՒԹ
Ոստիկանությունը Մոսկվայի մարզում Wildberries-ի պահեստում խուզարկություն է իրականացրել ու միգրանտներին զինկոմի ծանուցումներ բաժանել
Քաղաքականություն
24.11.2023 | 14:48
Այսօր վաղ առավոտյան ոստիկանության աշխատակիցները ռեյդ են իրականացրել Մոսկվայի մարզի Էլեկտրոստալ քաղաքում՝ Wildberries առցանց առևտրային ընկերության տեսակավորման կենտրոնում աշխատող միգրանտներին ստուգելու համար, գրում է Meduza-ն։
Ոստիկանությունը ստուգել է պահեստի աշխատակիցների անձնագրերն ու այնտեղ զինվորական ծառայության նշանները։ Baza-ն էլ հայտնում է, որ ստուգումից հետո որոշ աշխատակիցների զինկոմիսարիատներ ներկայանալու ծանուցագրեր են տրվել։
Wildberries-ի ներկայացուցիչներն ասել են, որ խուզարկության հետևանքով «կարող են ընդհատումներ լինել ապրանքների առաքման և բեռնաթափման գործում»: Ընկերությունից ընդգծել է, որ Wildberries-ի ղեկավարությունն օգնություն է ցուցաբերում ոստիկանությանը և անում է անհրաժեշտ ամեն ինչ, որպեսզի պահեստը վերսկսի իր աշխատանքը կանոնավոր կերպով։
Mash տելեգրամ ալիքի տվյալներով՝ նախօրեին ստիկանությունը խուզարկություն է իրականացրել տեսակավորման կենտրոնի մոտակայքում։ Արդյունքում 16 անձի նկատմամբ կազմվել է վարչական արձանագրություն՝ երկրում գտնվելու ռեժիմը, միգրացիոն կանոնները խախտելու և ապօրինի աշխատանքի համար։ Որոշվել է երկրից վտարել երեք միգրանտի։
Վերջին մի քանի ամիսների ընթացքում բազմիցս տեղեկություններ են ստացվում Ռուսաստանի քաղաքացիություն ստացած օտարերկրացիների նկատմամբ ռեյդերի մասին, որոնց ընթացքում նրանց զինկոմիսարիատների ծանուցումներ են բաժանում։
Հիշեցնենք, որ վերջերս նման դեպք էր տեղի ունեցել Վորոնեժում ադրբեջանցիների հետ։
Էմմա Չոբանյան
