30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Էրդողանը կոչով դիմել է Հայաստանին
Քաղաքականություն
20.11.2023 | 23:09
Թուրքիայի նախագահ Ռեջեփ Թայիփ Էրդողանը Հայաստանին կոչ է արել Ադրբեջանի հետ շուտափույթ խաղաղության համաձայնագիր ստորագրել:
«Եվս մեկ անգամ կոչ եմ անում Հայաստանին վերցնել մեր ադրբեջանցի եղբայրների կողմից իրեն պարզած բարեկամության ձեռքը»,- ՏԱՍՍ-ի փոխանցմամբ՝ ասել է Թուրքիայի առաջնորդը։
Հայաստանը պետք է իր անվտանգությունը փնտրի ոչ թե հազարավոր կիլոմետրեր այն կողմ, այլ հարևանների հետ համագործակցությամբ, հայտարարել է Էրդողանը:
Էրդողանի խոսքով՝ ղարաբաղյան հակամարտության կարգավորումը «նոր դարաշրջան է բացել տարածաշրջանում, սակայն Արևմուտքում որոշակի ուժեր չեն ցանկանում համակերպվել դրա հետ»:
«Հայաստանի ժողովուրդը և նրա ղեկավարությունը պետք է անվտանգություն փնտրեն խաղաղության և համագործակցության մեջ, այլ ոչ թե տարածաշրջանից հազարավոր կիլոմետրեր հեռու։ Արևմտյան երկրների կողմից ուղարկվող ոչ մի զենք ու զինամթերք չի կարող ապահովել կայուն խաղաղության միջավայր և անվտանգություն», – ասել է Էրդողանը։
