02.11.2024 | 15:28
ԱԺ հանձնաժողովի անդամները մասնակցել են ԵՄ խորհրդարանների ԵՄ հարցերով հանձնաժողովների համաժողովին
Կատարը փորձել է Իսրայելի և ՀԱՄԱՍ-ի միջև համաձայնության հասնել գերիների հարցով
Քաղաքականություն
15.11.2023 | 22:38
Կատարը փորձել է համաձայնության հասնել Իսրայելի և ՀԱՄԱՍ-ի միջև գերիների ազատ արձակման հարցի շուրջ։ Այս մասին հայտնում է Reuters-ը՝ հղում անելով իր աղբյուրներին։
Հստակեցվում է, որ Կատարը եռօրյա զինադադարի դիմաց ձգտել է հասնել նրան, որ ազատ արձակվեն Գազայի հատվածից 50 պատանդներ։ Քննարկվող գործարքը, որը համաձայնեցվել է ԱՄՆ-ի հետ, նաև թույլ կտա Իսրայելին ազատել որոշ պաղեստինցի կանանց և երեխաների իսրայելական բանտերից, ինչպես նաև կավելացնի Գազա թույլատրվող մարդասիրական օգնության ծավալը։
Ակնկալվում է, որ դա կլինի հոկտեմբերի 7-ից ի վեր ՀԱՄԱՍ-ի պատանդների ամենամեծ ազատ արձակումը:
ՀԱՄԱՍ-ը նախկինում մեղադրել էր Իսրայելին Կատարի կողմից աջակցվող 100 իսրայելցի պատանդների ազատ արձակման հետաձգման մեջ՝ 200 պաղեստինցի կանանց և 75 երեխաների դիմաց:
