02.11.2024 | 15:05
«Գոյ» թատրոնը կվերսկսի իր բնականոն աշխատանքը
Ֆրանսիան հայտնել է Ադրբեջանի կողմից Փարիզի դեմ ապատեղեկատվության քարոզարշավի մասին․ Reuters
Քաղաքականություն
14.11.2023 | 22:24
Ֆրանսիայի կիբեր պաշտպանության ստորաբաժանումը (Viginum) իր զեկույցում Ադրբեջանի հետ կապված սուբյեկտներին մեղադրել է 2024 թվականին Փարիզում կայանալիք Օլիմպիական խաղերից առաջ Ֆրանսիայի հեղինակությունը խաթարելու փորձի մեջ, գրում է Reuters-ը։
Իր զեկույցում կազմակերպությունը նշում է, որ Ադրբեջանի հետ կապված սուբյեկտները հուլիսի վերջին տեղեկատվական մանիպուլյացիայի արշավ են իրականացրել՝ նպատակ ունենալով վնասել Ֆրանսիայի հեղինակությունը 2024 թվականի Օլիմպիական խաղերը հյուրընկալելու կարողության տեսանկյունից:
«Հետաքննությունները ցույց են տվել, որ Ադրբեջանին մոտ կանգնած առնվազն մեկ օտարերկրյա դերակատար գործել է կեղծ գործընթացների կիրառմամբ՝ նպատակ ունենալով վնասել Ֆրանսիայի հեղինակությանը՝ 2024 թվականի Օլիմպիական և պարալիմպիկ խաղերը հյուրընկալելու իր կարողության հետ կապված»,- ասվում է զեկույցում։
Նշվում է, որ 2024 թվականի Օլիմպիական խաղերը բոյկոտելու կոչով X սոցիալական ցանցում զանգվածային թվով վիզուալ նյութերի տարածում է գրանցվել։
Գործակալությունը, միաժամանակ, հիշեցնում է, որ Viginum-ի զեկույցը հայտնվել է Փարիզի և Բաքվի հարաբերությունների լարվածության ու վատթարացման ֆոնին։
