16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Բողոքի ցույցերի ֆոնին Սան Ֆրանցիսկոյում բացվել է APEC ֆորումը
Քաղաքականություն
13.11.2023 | 21:48
Ասիա-խաղաղօվկիանոսյան տնտեսական համագործակցության երկրների ղեկավարների համաժողովի (APEC) գլխավոր իրադարձությունը կլինի ԱՄՆ նախագահ Ջո Բայդենի և Չինաստանի ղեկավար Սի Ցզինպինի երկրորդ հանդիպումը երեք տարվա ընթացքում։ Սան Ֆրանցիսկոյի փողոցներում ոստիկանների ներկայության նկատելի աճ է գրանցվել։ Այստեղ բացվում է Ասիա-խաղաղօվկիանոսյան տնտեսական համագործակցության երկրների ղեկավարների համաժողովը, գրում է Euronews-ը։
Ակնկալվում է, որ ցուցարարները կփորձեն խանգարել գագաթնաժողովի աշխատանքներին։ Ակտիվիստները, որոնք բողոքում են կորպորատիվ շահույթի, բնապահպանական չարաշահումների, վատ աշխատանքային պայմանների և Իսրայելի ու ՀԱՄԱՍ-ի միջև պատերազմի դեմ, հավաքվում են Moscone կենտրոնի մոտ, որտեղ ընթանում է APEC-ի համաժողովը:
Ջո Բայդեն-Սի Ցզինպին հանդիպումը նախատեսվում է չորեքշաբթի։
Նշվում է, որ ԱՄՆ-ն ու Չինաստանը համաշխարհային տնտեսական երկու ծանր կշիռներ են: Այս երկրները միասին արտադրում են աշխարհի ապրանքների և ծառայությունների ավելի քան 40%-ը: Եթե երկու գերտերություններն ընդհանուր լեզու չգտնեն, հետևանքներ կլինեն ամբողջ աշխարհի համար։
Բայդենի և Սիի առաջիկա հանդիպումն ընդամենը երկրորդն է գրեթե երեք տարվա ընթացքում։ Օրակարգում են առևտուրը, Թայվանը և տեխնոլոգիաները, ինչպես նաև երկու պատերազմները՝ Մերձավոր Արևելքում և Ուկրաինայում։
Մինչ այդ, բողոքի ցույցերը, ամենայն հավանականությամբ, կշարունակվեն ամբողջ շաբաթվա ընթացքում:
