18.12.2025 | 18:18
Գարեգին Բ-ի դեմ ընդվզած եպիոսկոպոսները ժամանեցին Մայր Աթոռ․ նրանց ելույթն ուղեկցվեց սուլոցներով․ ՏԵՍԱՆՅՈՒԹ
ՀԱՄԱՍ-ը հույս է ունեցել Մերձավոր Արևելքում մեծ հակամարտություն առաջացնել․ The Washington Post
Քաղաքականություն
13.11.2023 | 23:02
ՀԱՄԱՍ-ի զինյալները պլանավորել են հոկտեմբերի 7-ի առավոտյան հարավային Իսրայելի վրա հաջող հարձակման դեպքում ներխուժել դեպի ավելի մեծ քաղաքներ՝ Մերձավոր Արևելքում լայնածավալ հակամարտություն հրահրելու հույսով: Այս մասին գրում է The Washington Post-ը՝ վկայակոչելով արևմտյան և մերձավորարևելյան չորս երկրների հետախուզության ու անվտանգության մի քանի նախկին ու ներկա պաշտոնյաների, փոխանցում է DW-ի ռուսական ծառայությունը։
Լրատվամիջոցի զրուցակիցները նշել են, որ նոր փաստերով՝ ՀԱՄԱՍ-ը մտադրություն չի ունեցել սահմանափակվել Գազայի հատվածի հետ սահմանի մոտ գտնվող բնակավայրերով, այլ պատրաստվել է հարձակումների «երկրորդ փուլին»:
Նշվում է, որ խմբավորման որոշ մասն ունեցել է բավականաչափ սնունդ, զինամթերք և սարքավորումներ, որը թույլ կտար մի քանի օր դիմանալ։ Բացի այդ, զինյալները հրահանգներ են ստացել ավելի հեռուն գնալ՝ դեպի Իսրայելի խորքը։ Մասնավորապես, նրանք պետք է հասնեին Պաղեստինի ազգային վարչակազմի վերահսկողության տակ գտնվող Հորդանանի արևմտյան ափի տարածքներ, ինչպես նաև ներթափանցեին իսրայելական խոշոր քաղաքներ և ռազմակայաններ։
Լրատվամիջոցի տվյալներով՝ ՀԱՄԱՍ-ի ղեկավարությունը պատրաստ է եղել հարձակմանն Իսրայելի պատասխանին։ Նրանք հույս են ունեցել, որ զինյալների գործողությունները, սպանություններն ու պատանդառությունները կհանգեցնեն Իսրայելի ուժեղ պատասխանին, ներառյալ՝ ցամաքային գործողությունը Գազայի հատվածում, նաև կհրահրեն բռնություն Արևմտյան ափում և կհանգեցնեն ավելի լայն հակամարտությունների ամբողջ տարածաշրջանում:
Միևնույն ժամանակ, խմբավորման ղեկավարությունը հասկացել է, որ իսրայելական բանակի պատասխան գործողությունները կհանգեցնեն Գազայի խաղաղ բնակչության զանգվածային մահվան։
Էմմա Չոբանյան
