16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Վրաստանի վարչապետը հայտարարել է ԵՄ-ին անդամակցելու ուղին շարունակելու պլանների մասին
Քաղաքականություն
08.11.2023 | 21:56
Վրաստանը կշարունակի ԵՄ-ին լիակատար անդամակցության ուղին, այն բանից հետո, երբ Եվրահանձնաժողովը խորհուրդ է տվել երկրին ԵՄ-ի անդամակցության թեկնածուի կարգավիճակ շնորհելու մասին։ Այս մասին հայտարարել է երկրի վարչապետ Իրակլի Ղարիբաշվիլին։
«Եվրահանձնաժողովը դրական գնահատական տվեց և առաջարկեց Վրաստանին շնորհել արժանի թեկնածուի կարգավիճակ [ԵՄ անդամակցության համար]: Մենք երախտապարտ ենք աջակցության համար և ուրախ ենք շարունակելու մեր ուղին դեպի ԵՄ լիիրավ անդամակցություն»,- գրել է Ղարիբաշվիլին X (նախկինում Twitter) սոցիալական ցանցում:
Վրաստանի նախագահ Սալոմե Զուրաբիշվիլին նույնպես սոցցանցում գրել է, որ «կկատարի իր դերը որպես եվրոպամետ առաջնորդ՝ նպաստելու դեռևս պահանջվող բարեփոխումների իրականացմանը»:
Եվրահանձնաժողովի ղեկավար Ուրսուլա ֆոն դեր Լեյենն այսօր ավելի վաղ ասել էր, որ կազմակերպությունը խորհուրդ է տալիս, որ ԵՄ խորհուրդը Վրաստանին շնորհի միության անդամության թեկնածուի կարգավիճակ։ Եվրահանձնաժողովը դրական է գնահատել Վրաստանում իրականացվող բարեփոխումները, սակայն հայտարարել է, որ երկիրը դեռ անելիքներ ունի։
