26.06.2026 | 12:02
Շախմատի աշխարհի 14-18 տարեկանների առաջնության ավարտին մնացել է մեկ խաղափուլ․ հայ պատվիրակների արդյունքները
G7-ի երկրներն անհանգստացած են Լեռնային Ղարաբաղից հայերի տեղահանման հետևանքներով. հայտարարություն
Քաղաքականություն
08.11.2023 | 16:09
Մեծ յոթնյակի (G7) երկրների ԱԳ նախարարները Ճապոնիայում տեղի ունեցած գագաթնաժողովից հետո ընդունված համատեղ հայտարարության մեջ անդրադարձել են նաև Արցախի դեմ սեպտեմբերի 19-ին Ադրբեջանի ռազմական ագրեսիային և դրան հետևած Արցախի հայերի բռնի տեղահանմանն ու էթնիկ զտմանը։
Նախարարների հայտարարության մեջ ասվում է, որ Կանադայի, Ֆրանսիայի, Գերմանիայի, Իտալիայի, Ճապոնիայի, Միացյալ Թագավորության և Ամերիկայի Միացյալ Նահանգների ԱԳ նախարարները, ինչպես նաև Եվրամիության բարձր ներկայացուցիչն ավելի, քան երբևէ միասնական են միջազգային խաղաղության, անվտանգության հասնելու ջանքերում։
«Մենք լրջորեն անհանգստացած ենք Ադրբեջանի կողմից իրականացված ռազմական գործողությունից հետո Լեռնային Ղարաբաղից հայերի տեղահանման մարդասիրական հետևանքներով։ Մենք կոչ ենք անում Ադրբեջանին ամբողջությամբ կատարել միջազգային մարդասիրական իրավունքով ստանձնած պարտավորությունները և ողջունում ենք միջազգային ջանքերը՝ ուղղված տեղահանվածների հրատապ հումանիտար կարիքների լուծմանը»,- ասվում է հայտարարության մեջ։
ԱԳ նախարարները նաև ընդգծում են իրենց աջակցությունը Հայաստանի և Ադրբեջանի միջև կայուն ու երկարատև խաղաղության հաստատմանը՝ հիմնված ուժի չկիրառման, ինքնիշխանության հարգման, սահմանների անձեռնմխելիության և տարածքային ամբողջականության սկզբունքների վրա։
Էմմա Չոբանյան
