20.04.2026 | 17:18
Հայտնաբերվել է 393 ոչ սթափ վարորդ․ պարեկների անցած շաբաթվա ծառայության արդյունքները
Ինչպես է ստացվում, որ մեկ աշխատող ունեցող ընկերությունները միլիոնավոր դրամների գործարքներ են կնքում․ Ա․ Մանուկյանը ներկայացնում է «2017-2018 թթ. պաշտպանական ոլորտի գնումների մոնիթորինգի արդյունքները»․ ՏԵՍԱՆՅՈՒԹ
Հասարակություն
26.07.2018 | 17:51
Տնտեսագետ Արտակ Մանուկյանն այսօր «2017-2018 թթ. պաշտպանական ոլորտի գնումների մոնիթորինգի արդյունքները» թեմայով քննարկման ժամանակ, ներկայացնելով 2017-2018 թթ պաշտպանական ոլորտի գնումների և մոնիթորինգի արդյունքներն առանձնացրեց այն կազմակերպությունների անունները, որոնք գնումների առումով համարվում են ռիսկային։
«Օրինակ՝ «Էյ ԴԻ Էյ ԹեՔ» ՍՊԸ-ն անշարժ գույք է կառուցում 43 մլն 180 հզ․ դրամով` ունենալով մեկ աշխատող։ ՔԵՅ-ՔԵՅ ԷՖ ԹՐԵՅԴԻՆԳ ՍՊԸ-ն մեկ աշխատող է հայտարաարգրել, թեև հանդերձանք է մատակարարում և՛ ԱԱԾ-ին, և՛ ԱՆ ՔԿՀ-ներին, և՛ քննչական կոմիտեին և այլ կառույցների»,-ասաց տնտեսագետը՝ ներկայացնելով ևս նմանատիպ այլ ընկերություններ, որոնք ունեն մեկ աշխատող, բայց կնքում են միլիոնավոր դրամների գործարքներ։
Արտակ Մանուկյանը ներկայացրեց նաև Պաշտպանության նախարարության կողմից իրականացված ծախսերը, քանի որ այս ոլորտի գնումները, սովորաբար, ամենաշատն են լինում իրենց ծավալներով։
Տնտեսագետը նշեց, որ այդ գնումների ուսումնասիրությունը ցույց է տալիս որոշակի շեղումներ, որոնք հստակ երևում են, երբ համադրվում են գնումների պլանն ու իրական կատարված ծախսերը։
Խոսելով ՊՆ-ի խոշորացված ծախսերի մասին՝ Արտակ Մանուկյանն առանձնացրեց ՊՆ-ի կատարած ծախսերի չափը․ « 12․3 մլրդ դրամ հատկացվել է, օրինակ, վառելիքին, 10․4 մլրդ դրամ սննդին, որոնց ավելանում են այլ ծախսեր՝ կազմելով 42 մլրդ դրամ»։
Մանրամասները՝ տեսանյութում:
