16.12.2025 | 14:54
Զելենսկին հաստատել է, որ Ուկրաինան, ԱՄՆ-ն ու Եվրոպան Բեռլինում համաձայնության են եկել անվտանգության երաշխիքների շուրջ
Ավելի քան հարյուր բրիտանական ընկերություններ խախտել են ՌԴ-ի դեմ պատժամիջոցները․ FT
Քաղաքականություն
07.11.2023 | 21:10
Բրիտանական ընկերությունները խոստովանում են, որ խախտել են Ռուսաստանի դեմ պատժամիջոցների ռեժիմը՝ հույս դնելով պետության կողմից պատժամիջոցների մեղմացման վրա, գրում է Financial Times-ը։
Լրագրողները, վկայակոչելով Մեծ Բրիտանիայի գանձապետարանը, նշում են, որ մայիսի 17-ի դրությամբ՝ 127 ընկերություններ կամավոր հայտնել են, որ խախտել են պատժամիջոցները։
Ըստ պարբերականի՝ երկրի Ֆինանսների նախարարությունը պատրաստ է մեղմել պատիժն այն ընկերությունների համար, որոնք իրենք են ընդունել խախտումները և համագործակցել են հետաքննության ընթացքում։ Պատժիչ միջոցների իրականացման համար պատասխանատու վարչության համապատասխան բաժինը չի ձգտում «անհիմն կերպով պատժել ընկերություններին չմտածված սխալների համար», գրում է FT-ն։
Պատժամիջոցների խախտման համար որպես պատիժ կարող է նշանակվել նախազգուշացում կամ տուգանք։ Տուգանքի վերին շեմը, սակայն, նշված չէ։
