02.11.2024 | 13:09
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ
Ստամբուլում ցուցարարն ի նշան բողոքի՝ արկղով մկներ է նետել McDonald’s ռեստորան
Քաղաքականություն
06.11.2023 | 23:14
Անհայտ անձը ներխուժել է Ստամբուլի McDonald’s ցանցի ռեստորաններից մեկն և արկղով մկներ նետել՝ բողոքելու Գազայում Իսրայելի հարձակման դեմ։ Տղամարդն ակցիայի ժամանակ բղավել է. «Մի՛ կերեք մահմեդականների միսը, փոխարենը կերեք այս մկներին», գրում է Gercek news-ը։
Նշվում է, որ մկներով արկղը տղամարդը, ենթադրաբար, գնել է կենդանիների խանութից։ Նա տուփը նետել է ռեստորանի սրահի կենտրոնը՝ մկներին ցրելով հատակով մեկ։
Հեռախոսներով նկարահանված և սոցիալական ցանցերում լայնորեն տարածված կադրերում երևում է, թե ինչպես է ցուցարարը բղավում, իսկ հետո արագորեն լքում է տարածքը։
McDonald’s Turkey-ն ավելի վաղ հայտարարություն էր տարածել, որում շեշտում էր McDonald’s Իսրայելի և McDonald’s Թուրքիայի միջև կապի բացակայությունը՝ իսրայելական McDonald’s-ի կողմից զինվորներին համբուրգերներ բաժանելու հետ կապված վեճից հետո:
Հայտարարության համաձայն՝ թուրքական McDonald’s-ը գործում է որպես տեղական բիզնես, որի ամբողջ սեփականությունն ու կառավարումը վերահսկվում է Boheme Investment ընկերության կողմից:
Նշենք, որ Իսրայել-ՀԱՄԱՍ հակամարտության սրման ֆոնին՝ Թուրքիայում ամերիկյան ընկերությունների դեմ տարբեր բողոքի արշավներ են անցկացվում, որոնք, ըստ թուրքերի, աջակցում են Իսրայելին։
Էմմա Չոբանյան
