24.11.2024 | 12:19
Ռումինիայում նախագահական ընտրություններ են
Գերմանիայի գազապահեստարաններն ամբողջությամբ լցված են
Քաղաքականություն
06.11.2023 | 22:44
Գերմանիայում գազապահեստարանների լիցքավորման մակարդակը հասել է 100 տոկոսի։ Գազի ենթակառուցվածքների օպերատորների եվրոպական ասոցիացիայի` GIE-ի հրապարակված նախնական տվյալների համաձայն՝ երկրի գազապահեստարանները լցված են 100,03 տոկոսով։
Գերմանական կառավարությունն ակնկալում է, որ այս ծավալը համապատասխանում է ձմռան երկու-երեք ամիսների սպառմանը միջին ջերմաստիճանների դեպքում, գրում է DW-ի ռուսական ծառայությունը։
Գազի և ջրածնի պահեստավորման գերմանական ասոցիացիայի՝ INES-ի (Initiative Energien Speichern) տվյալներով՝ 100 տոկոսը կազմում է գազի պահեստավորման օբյեկտների հզորությունը նորմալ պայմաններում: Եթե գազը սառչում է, դրա ծավալը նվազում է, ինչը թույլ է տալիս ավելի շատ գազ կուտակել: Այս դեպքում լրացման մակարդակը գերազանցում է 100 տոկոսի նշագիծը:
Գերմանական խոշորագույն ստորգետնյա գազի պահեստարանը Ռեհդենում նոյեմբերի 5-ին լցվել է 99,3 տոկոսով: GIE-ի տվյալներով՝ ամբողջ Եվրամիությունում պահեստային տարածքները գրեթե լիքն են (99,55 տոկոս):
