25.08.2026 | 13:39
ՀՀ վարչապետը շնորհավորական ուղերձ է հղել Ուրուգվայի նախագահին
Սնունդն էժանացել է, խմիչքն ու ծխախոտը՝ թանկացել․ Վիճկոմիտեի նոր տվյալները գների մասին
Տնտեսություն
03.11.2023 | 21:15
Մեկ տարվա ընթացքում սնունդը Հայաստանում էժանացել է 3 տոկոսով։ Սա միջին ցուցանիշ է տարբեր սննդատեսակների համար։ Այս մասին են վկայում ՀՀ վիճակագրական կոմիտեի հրապարակած տվյալները։ Կոմիտեն համեմատել է այս տարվա հոկտեմբերի գները նախորդ տարվա հոկտեմբերի հետ։
Այդ ընթացքում սննդի էժանացմանը զուգահեռ՝ ալկոհոլային խմիչքներն ու ծխախոտը թանկացել են 8,5 տոկոսով։ Ապրանքային խմբերի մեջ սա ամենաբարձր թանկացում ունեցող խումբն է։ Առանձին վերցրած՝ օղին թանկացել է 8 տոկոսով, գինին՝ 2,5 տոկոսով, գարեջուրը՝ 3,2 տոկոսով։ Իսկ ծխախտոը թանկացել է 11,3 տոկոսով։ Մյուս ապրանքային խմբերում թանկացումը եղել է մինչև 4 տոկոս, իսկ կապի ոլորտում չնչին՝ 0,5 տոկոս էժանացում է եղել։
Վիճակագրական կոմիտեն նաև որոշ կոնկրետ ապրանքների գների փոփոխություններ է ներկայացրել։ Այստեղ կան և՛ թանկացման, և՛ էժանացման դեպքեր։ Մասնավորապես, ալյուրի գինը նվազել է 19,1 տոկոսով, խոզի մսի գինն ընկել է 13,2 տոկոսով, ոչխարի մսինը՝ 2,6 տոկոսով, իսկ տավարի մսի գինն աճել է 1,8 տոկոսով, ձվի գինն աճել է 13,3%-ով։ Մրգի ու բանջարեղենի դեպքում գների փոփոխությունները շատ տարբեր են և ներկայացված են գրաֆիկում։
Գարիկ Հարությունյան
