24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Իսրայելը դադարել է ՌԴ-ին նախազգուշացնել Սիրիայում թիրախներին հարձակումների մասին
Քաղաքականություն
03.11.2023 | 22:02
Իսրայելական զինվորականները վերջերս, հակառակ հաստատված պրակտիկայի, մի շարք դեպքերում չեն զգուշացրել Ռուսաստանին Սիրիայում թիրախների վրա հարձակումներից առաջ։ Այս մասին հայտնում է Bloomberg-ը՝ հղում անելով աղբյուրներին, փոխանցում է Ինտերֆաքսը։
Լրատվամիջոցի տվյալներով՝ Իսրայելը չի զգուշացրել Ռուսաստանին այս շաբաթվա սկզբին Դարայում գտնվող ռազմաբազային իր օդուժի հարվածից առաջ։ Նա նաև չի նախազգուշացնել Մոսկվային անցյալ շաբաթ երկրի հարավում գտնվող սիրիական խոշորագույն բազայի վրա հարվածի մասին, որտեղ, ենթադրաբար, սիրիական ուժերի կողքին տեղակայված են եղել իրանցի սպաներ և լիբանանյան «Հըզբոլլահ» խմբավորման անդամներ:
Իսրայելի ռազմաօդային ուժերն այնուհետ հարձակվել են զենքի պահեստի և ռադարների վրա:
ՀԱՄԱՍ-ի հետ պատերազմի մեկնարկից առաջ իսրայելական կողմը համակարգված կերպով զգուշացնում էր Մոսկվային հարձակումների մասին, որպեսզի կանխեն ռուսական ուժերի պատահաբար հայտնվելը Սիրիայում իսրայելական հարվածների տակ։
Իսրայելն արդեն մի քանի տարի է՝ պարբերաբար ավիահարվածներ է հասցնում Սիրիայում։ Այդ հարվածների թիրախները, որպես կանոն, իրանցի ռազմական խորհրդատուներն են և Դամասկոսին օգնող «Հըզբոլլահ» խմբավորման կողմից վերահսկվող օբյեկտները:
Էմմա Չոբանյան
