10.04.2026 | 16:50
Այնթապում գողացված դրամապանակի քարտից 114 հազար դրամ է կանխիկացվել, կասկածյալը ձերբակալվել է
Վարչապետն առաջարկում է տեսախցիկների ներքո բանակցել արտադրողների հետ
Տնտեսություն
26.07.2018 | 12:51
Գործադիրն այսօր հավանություն տվեց «Սաթենկար» ընկերությանը 3 տարով հարկային արտոնություն տալու մասին հարցին։
Նախագծի զեկուցող ՀՀ տնտեսական զարգացման և ներդրումների նախարար Արծվիկ Մինասյանը նշեց, որ այս ընկերությունը կատարելու է 286 միլիոն դրամի ներդրում և ստեղծելու է ավելի քան 24 աշխատատեղ։
«Ընկերությունը զբաղվելու է տրիկոտաժի արտադրությամբ, արդեն ստեղծված է 16 աշխատատեղ, որոնց թիվը կավելանա հարկային արտոնություն տրամադրելու պարագայում»,- ասաց նախարարը։
«Զինվորների ներքնաշորերի հետ կապված խնդիր կա։ Պաշտպանության նախարարությունը այս խնդրով զբաղվել է և որոշում է կայացվել հարցի լուծման համար այս ոլորտ ներգրավվել տեքստիլ ոլորտի արտադրողների»,- նախարարին ասաց Նիկոլ Փաշինյանը։
Վարչապետը նաև նշեց, որ քանի որ նախկինում հայտարարված մրցույթներում արձանագրվել են խախտումներ, ուստի որոշել են, որ կհրավիրեն բոլոր արտադրողներին և բոլորի ներկայությամբ տեսախցիկների ներքո տեղի կունենան բանակցություններ արտադրողների հետ։
