02.11.2024 | 16:34
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Գերմանիայի նախագահը ներողություն է խնդրել Տանզանիայի գաղութացման համար
Քաղաքականություն
01.11.2023 | 22:47
Գերմանիայի նախագահ Ֆրանկ-Վալտեր Շտայնմայերը Տանզանիա կատարած այցի ժամանակ ներողություն է խնդրել գերմանական գաղութատիրության ընթացքում կատարված բռնությունների համար, գրում է DW-ի ռուսական ծառայությունը։
«Ես խոնարհվում եմ գերմանական գաղութատիրության զոհերի առաջ: Որպես Գերմանիայի նախագահ՝ ես կցանկանայի ներողություն խնդրել այն ամենի համար, ինչ գերմանացիներն արել են ձեր նախնիների նկատմամբ»,- ասել է Շտայնմայերը նոյեմբերի 1-ին ելույթ ունենալով Սոնգեա քաղաքում:
Դաշնային նախագահի խոսքով՝ ինքն «ամաչում է» գաղութատիրական իշխանությունների գործողություններից, որոնք «դաժանությամբ կառավարում էին» այն ժամանակվա Գերմանիայի գաղութում՝ Արևելյան Աֆրիկայում։
Դիմելով գերմանական գաղութատիրության զոհ դարձած տանզանցիների ժառանգներին՝ Շտայնմայերը վստահեցրել է. «Մենք՝ գերմանացիներս, ձեզ հետ միասին կփնտրենք ձեզ հուզող հարցերի պատասխանները»։
Գերմանական գաղութատիրությունն Արևելյան Աֆրիկայում սկսվել է 1885 թվականին և շարունակվել մինչև Առաջին համաշխարհային պատերազմը։ Սոնգեա քաղաքը գտնվում է մի շրջանում, որտեղ 1905-1907 թվականներին գերմանական գաղութային իշխանությունների դեմ ապստամբությունը ճնշվել է առանձնակի դաժանությամբ։ Պատմաբանների հաշվարկներով, այսպես կոչված, Մաջի-Մաջի ապստամբության ժամանակ սպանվել է մինչև 300 հազար մարդ։
