30.04.2026 | 14:18
Էլինա Ավանեսյանը չի ներկայացել մրցախաղին
Վրաստանում ադրբեջանցիները հակաիսրայելական ցույց են անցկացրել` ԱՄՆ-ին և արևմտյան երկրներին «ահաբեկիչներ» անվանելով
Քաղաքականություն
01.11.2023 | 23:02
Վրաստանի Մառնեուլի քաղաքում ադրբեջանցիները նախօրեին ցույց են անցկացրել ի պաշտպանություն Պաղեստինի։ Գրուզիա օնլայնի հաղորդմամբ՝ ակցիան սկսվել է «Ադրբեջանական տան» մոտ գտնվող այգում, որտեղ Կարմիր մզկիթի ախունդի Հաջի Հաջիևը և Վրաստանում Կովկասի մահմեդականների գրասենյակի ներկայացուցիչ Ալի Ալիևը ելույթ են ունեցել ի պաշտպանություն Պաղեստինի և հակաիսրայելական հայտարարություններ արել։
Հաջիևը խոսել է հանրահավաքի նպատակների մասին՝ ասելով, որ Գազայի հատվածի վրա իսրայելական հարձակման առնչությամբ լռությունն Իսրայելին աջակցելու նշան է։ Նա նշել է, թե ժողովուրդը հավաքվել է՝ «ձայն բարձրացնելու սիոնիստական Իսրայելի ռեժիմի» և «ճնշված պաղեստինցի բնակչության» խոշտանգումների դեմ։
«Այսօր մենք տեսնում ենք, որ միջազգային կազմակերպությունները չեն արձագանքում, և նրանք շարունակում են հանցագործություններ կատարել։ Հուսով ենք, որ Աստված շուտով վերջ կտա այս դաժանությանը: Ճշմարտությունը կհաղթի Երկրի վրա»,- ասել է նա։
Վրաստանում Կովկասի մահմեդականների գրասենյակի ներկայացուցիչ Ալի Ալիևն էլ քննադատել և «ահաբեկիչ պետություններ» է անվանել Իսրայելին, ԱՄՆ-ին, Գերմանիային, Իտալիային, Ֆրանսիային, Մեծ Բրիտանիային, ՆԱՏՕ-ի անդամ երկրներին և ԵՄ-ին։
«Իսրայելը մշտապես հանցավոր գործողություններ է կատարել Գազայի հատվածում, բայց այժմ նա միայնակ չէ։ Դրանում նրան ներում է աշխարհի թիվ 1 ահաբեկչական երկիրը՝ ԱՄՆ-ը, եվրոպական երկրները, ՆԱՏՕ-ն, Գերմանիան, Իտալիան, Ֆրանսիան, Մեծ Բրիտանիան, նրանք այս հանցագործությունները միասին կատարել են ոչ միայն Պաղեստինում, Գազայում, այլև երկար տարիներ Իրաքում, Սիրիայում, Եմենում, Լիբիայում։ Մենք՝ բոլոր մահմեդականներս պետք է իմանանք, թե ինչու են նրանք դա անում: Նրանք աշխարհի ամենահզոր ահաբեկիչներն են։ Եթե այլ երկրներում ինչ-որ բան տեղի ունենա, նրանք անմիջապես հայտարարում են իրենց կարծիքը»,- ասել է Ալիևը։
Նշենք, որ Կովկասի մահմեդականների գրասենյակը գտնվում է Բաքվում, որը ղեկավարում է շեյխ Ալլահշուքյուր Փաշազադեն։
Ի դեպ, պաշտոնական Թբիլիսին Իսրայել-ՀԱՄԱՍ հակամարտությունում իր աջակցությունն է հայտնել Իսրայելին։
Էմմա Չոբանյան
