23.11.2024 | 14:29
ՆԱՏՕ-ի ղեկավար Մարկ Ռյուտեն բանակցություններ է վարել Դոնալդ Թրամփի հետ
Կա՛նգ առեք, խելագարներ․ Անտոնիո Գուտերեշ
Քաղաքականություն
31.10.2023 | 23:30
Գլոբալ տաքացման պատճառով Նեպալի լեռները 30 տարում կորցրել են իրենց սառույցի գրեթե մեկ երրորդը: Այս մասին հոկտեմբերի 30-ին ասել է ՄԱԿ-ի գլխավոր քարտուղար Անտոնիո Գուտերեշը՝ Էվերեստ լեռան մոտ գտնվող տարածք այցելելուց հետո, փոխանցում է Reuters-ը։
«Այսօր ես այստեղ եմ՝ ամենաբարձր լեռան գագաթից ողջ աշխարհին գոռալու՝ կա՛նգ առեք, խելագարնե՛ր»,- ասել է նա՝ կոչ անելով վերջ տալ «հանածո վառելիքի դարաշրջանին»:
Ըստ կլիմայագետների՝ վերջին 100 տարվա ընթացքում Երկրի վրա ջերմաստիճանը բարձրացել է միջինը 0,74 աստիճանով (ըստ Ցելսիուսի), սակայն Հիմալայներում տաքացումը տեղի է ունեցել է՛լ ավելի արագ տեմպերով։
Նեպալի սառցադաշտերը, որոնք սեղմված են ածխածնի երկու հիմնական աղտոտիչների՝ Հնդկաստանի և Չինաստանի միջև, վերջին տասնամյակում 65%-ով ավելի արագ են հալվել, քան նախորդում: Գլխավոր քարտուղարն ընդգծել է, որ դա կհանգեցնի լճերի և գետերի ջրի մակարդակի բարձրացմանը, ինչը կսրբի ամբողջական համայնքներ։ Ծովային ջրերը նույնպես կբարձրանան ռեկորդային տեմպերով։
Գուտերեշը նաև կոչ է արել երկրներին սահմանափակել գլոբալ ջերմաստիճանի բարձրացումը մինչև 1,5°C՝ կանխելու «ավելի մեծ կլիմայական քաոսը»:
Հիշեցնենք, որ գիտնականների կանխատեսումների համաձայն՝ գլոբալ տաքացման պատճառով Հիմալայներում գտնվող Հինդու Քուշ սառցադաշտերը դարավերջին կարող են կորցնել իրենց ծավալի մինչև 75%-ը։ Դա կարող է հանգեցնել վտանգավոր ջրհեղեղների և ջրի պակասի 240 միլիոն մարդկանց համար, ովքեր ապրում են լեռնային շրջաններում:
