24.11.2024 | 13:40
Օդի ջերմաստիճանը կնվազի 6-10 աստիճանով
Իսրայելն ադրբեջանական SOCAR-ին Միջերկրականում գազի հանքավայրի որոնումների լիցենզիա է տրամադրել
Քաղաքականություն
30.10.2023 | 23:02
Իսրայելի Էներգետիկայի նախարարությունը հայտնել է, որ 12 լիցենզիա է տրամադրել վեց ընկերությունների՝ երկրի Միջերկրական ծովի ափերի մոտ բնական գազի որոնումների համար՝ նպատակ ունենալով ավելի մեծ մրցակցություն ստեղծել և դիվերսիֆիկացնել մատակարարներին, գրում է Reuters-ը։
Իսրայել-ՀԱՄԱՍ շարունակվող հակամարտության ֆոնին լիցենզիան ստացել է ընկերությունների մեկ խումբ, որը գլխավորում է իտալական Eni-ն, Dana Petroleum-ը և Իսրայելի Ratio Energies-ը, որոնք հետազոտելու են արևմտյան տարածքում հսկայական Լևիաթան հանքավայրը, որը գազ է մատակարարում Իսրայելին և օգտագործվում է նաև արտահանման համար։
Երկրորդ խումբը, որը կներառի Ադրբեջանի ազգային նավթային Socar ընկերությունը, BP-ն և իսրայելական NewMed-ը, հետազոտելու է Լևիաթանի հյուսիսային հատվածը։
«Հաղթող ընկերությունները պարտավորվել են աննախադեպ ներդրումներ կատարել բնական գազի հետախուզման մեջ առաջիկա երեք տարիների ընթացքում, ինչը, հուսով ենք, կհանգեցնի բնական գազի նոր ամբարների հայտնաբերմանը»,-հայտարարել է երկրի էներգետիկայի նախարար Իսրայել Կացը:
Էմմա Չոբանյան
