10.04.2026 | 21:28
Ադրբեջանն ու Չինաստանը ռազմական համագործակցության հարցեր են քննարկել
Եթե Վրաստանը չստանա ԵՄ թեկնածուի կարգավիճակ, դա «մեծ հաղթանակ կլինի Ռուսաստանի համար». Զուրաբիշվիլի
Քաղաքականություն
30.10.2023 | 21:59
Վրաստանի նախագահ Սալոմե Զուրաբիշվիլին CNN-ին տված հարցազրույցում խոսել է Վրաստանի եվրոպական հեռանկարի մասին։ Լրագրողի հարցին՝ ի՞նչ կլինի Վրաստանի հետ, եթե այն չստանա ԵՄ թեկնածուի կարգավիճակ, Զուրաբիշվիլին պատասխանել է, որ «դա մեծ հաղթանակ կլիներ Ռուսաստանի համար», գրում է Գրուզիա օնլայնը:
Խոսվել է նաև Սալոմե Զուրաբիշվիլիի եվրոպական շրջագայության մասին, որին հաջորդել է խորհրդարանում նրա իմփիչմենթի գործընթաց։ Լրագրողը հարցին, թե «թվում է՝ վարչապետ Իրակլի Ղարիբաշվիլին շահագրգռված չէ ԵՄ-ին անդամակցությամբ», Վրաստանի նախագահը պատասխանել է, որ «սա այն հարցն է, որը տալիս է ամբողջ բնակչությունը»։
Զուրաբիշվիլին նաև նշել է, որ ԵՄ-ն կազմել է այն պահանջների ցանկը, որոնք Վրաստանը պետք է համապատասխանի՝ ԵՄ անդամի թեկնածու դառնալու համար։
«Պահանջների թվում են կոռուպցիայի դեմ պայքարը, ներքին օլիգարխների տնտեսական ու քաղաքական ազդեցության նվազեցումը։ Մենք սպասում ենք որոշմանը մինչև տարեվերջ»,- ասել է Սալոմե Զուրաբիշվիլին։
