07.10.2026 | 20:54
Թուրքիան Սաուդյան Արաբիային տեխնիկական և պաշտպանական աջակցություն է ուղարկում՝ հութիների դեմ պայքարում օգնելու համար․ Reuters
Եգիպտոսում ավարտվել է աշխարհի 8-12 տարեկանների առաջնությունը․ ինչ արդյունքներ են գրանցել հայ շախմատիստները
27.10.2023 | 21:47
Եգիպտոսի Շարմ Էլ Շեյխ քաղաքում ավարտվել է աշխարհի 8-12 տարեկան պատանիների և աղջիկների առաջնությունը:
Շախմատի ֆեդերացիայից տեղեկացնում են, որ մինչև 12 տարեկան պատանիների խմբում Վաչե Քոչարյանը և Արման Հարությունյանը 11 հնարավորից վաստակել են 7.5 միավոր՝ համապատասխանաբար զբաղեցնելով 8-րդ և 9-րդ հորիզոնականները: Այս խմբում մասնակցել է նաև Բենիամին Գասպարյանը, ով վաստակել է 5.5 միավոր: Նշենք, որ Արմանը իր վարկանիշը բարելավել է 151 կետով, Բենիամինը՝ 100 կետով:
«Մինչև 10 տարեկան պատանիների խմբում Դավիթ Ստեփանյանը վաստակել է 7.5 միավոր և զբաղեցրել է 9-րդ հորիզոնականը՝ 86 կետով բարելավելով իր վարկանիշը: Այս խմբում մասնակցել է նաև Մովսես Միլիտոնյանը, ով վաստակել է 6 միավոր: Մովսեսը իր վարկանիշը բարելավել է 52 կետով:
Մինչև 8 տարեկան պատանիների խմբում Դավիթ Մելքոնյանը վաստակել է 6.5 միավոր և 150 կետով բարելավել է իր վարկանիշը: Այս խմբում մասնակցել է նաև Արմեն Վարդանյանը, ով վաստակել է 6 միավոր:
Մինչև 12 տարեկան աղջիկների խմբում Անի Նահապետյանը վաստակել է 5.5 միավոր:
Մինչև 10 տարեկան աղջիկների խմբում Նարե Իսախանյանը վաստակել է 5.5 միավոր: Այս խմբում մասնակցել է նաև Անգելինա Ասատրյանը, ով վաստակել է 5 միավոր:
Մինչև 8 տարեկան աղջիկների խմբում Սոֆիա Բաղրամյանը վաստակել է 6 միավոր»,- ասված է հաղորդագրության մեջ:
