14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՌԴ-ն Ֆինլանդիային հայտնել է միջսահմանային համագործակցության համաձայնագրի դադարեցման մասին
Քաղաքականություն
27.10.2023 | 22:58
Ռուսաստանում Ֆինլանդիայի դեսպան Անտի Հելանտերը կանչվել է ՌԴ ԱԳՆ և տեղեկացվել, որ անդրսահմանային համագործակցության մասին համաձայնագիրը շուտով կդադարեցվի։ Այս մասին գրում է ՏԱՍՍ-ը՝ ՌԴ ԱԳՆ մամուլի ծառայությանը հղումով։
«Դիվանագիտական առաքելության ղեկավարին տեղեկացվել է, որ Ռուսաստանի նկատմամբ Ֆինլանդիայի առճակատային գործողություններին ի պատասխան, մասնավորապես, առևտրային, տնտեսական և միջտարածաշրջանային կապերի խզումը, քաղաքացիների միջև անմիջական շփումները, ինչպես նաև ռուսների նկատմամբ ազգային ծագման հողի վրա մուտքի վիզաների տրամադրման հարցում խտրական վերաբերմունքի պատճառով ռուսական կողմն ընդունել է որոշում՝ դադարեցնել Ռուսաստանի Դաշնության կառավարության և Ֆինլանդիայի Հանրապետության կառավարության միջև 2012 թվականի ապրիլի 13-ին Հելսինկիում ստորագրված Ռուսաստանի Դաշնության և Ֆինլանդիայի Հանրապետության միջև սահմանային համագործակցությունը խթանելու մասին համաձայնագիրը»,- ասված է հայտարարության մեջ։
Դեսպանին դիվանագիտական նոտա է հղվել, որում նշվում է, որ այդ համաձայնագրի 14-րդ հոդվածի համաձայն՝ այն կդադարի գործել 90 օրից, այսինքն՝ 2024 թվականի հունվարի 24-ից։
