Մեզ համար սովորողը «դոձիկ էր», գողացողը` «խառոշի», դրա համար էլ պարտվեցինք. Վահան Խաչատրյան. ՏԵՍԱՆՅՈՒԹ

Լուրեր

22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
Բոլորը

«Որպեսզի Արցախի թատրոնը կարգավիճակ ունենա, հարկավոր է քաղաքական կամք ու բարոյականություն, բայց պետք չէ այն ձևական պահել: Ինձ համար կարևոր էր Արցախի թատրոնը պահել Արցախում։ Հիմա եթե թատրոնը պահվելու է վերադառնալու նպատակով, այո՛, կողմ եմ»,- Factor TV-ի հետ զրույցում նման տեսակետ է հայտնում Արցախի Վ. Փափազյանի անվան դրամատիկական թատրոնի գլխավոր ռեժիսոր Վահան Խաչատրյանը:

Նրա խոսքով՝ թատրոնն այսօր ամենաշատը բեմի, տարածքի կարիք ունի. «Եթե դրանք լինեն, մնացածը մենք մեր ձեռքով կստեղծենք։ Թատրոնը, ամեն դեպքում, կա, քանի որ մենք շարունակում ենք խաղալ, այն մեր ձեռքից ոչ ոք չի կարող խլել: Այս պահին էլ թատրոնն ԱՄՆ-ում հյուրախաղերի է, անձնակազմն Արցախի դրոշն է բարձրացրել Նյու Յորքում` ՄԱԿ-ի գլխավոր գրասենյակի դիմաց»:

Ռեժիսորը նշում է՝ Արցախի դրամատիկական թատրոնի խաղացանկը, այսպես ասած, առաջնագծային թատրոնի ձևաչափով է ստեղծված․ «Առաջնագծային մտածելակերպով Արցախում էինք, հիմա էլ Երևանում բան չի փոխվել, ես նույն խրամատում եմ»:

Նա պատմում է, թե ինչպես թատրոնը ոչ միայն չի դադարել, այլև շարունակել է է՛լ ավելի ակտիվ աշխատել շրջափակման ժամանակ։

«Շրջափակման մեջ մեր թատրոնը երեք առաջնախաղ է ունեցել, 70-ից ավելի ներկայացում ենք խաղացել, օգոստոսին 3000-ից ավելի հանդիսատես ենք ընդունել, սկզբունքորեն խաղացել ենք կատակերգություն: Բեմը խրամատ է, և մենք մեր խրամատը պահել ենք մինչև վերջ: Մեր դերասանները գիշերը հացի հերթ էին կանգնում, ցերեկը խաղում էին, փորձ էին անում»,- նշում է Վահան Խաչատրյանը:

Ռեժիսորն անդրադառնում է նաև Արցախի կորստի թեմային՝ շեշտելով՝ մեր հանրության շրջանում գերիշխող դեգրադացված մտածելակերպը պատերազմ հաղթել չէր կարող. «Միգուցե մենք քիչ ենք սիրել մեր հայրենիքը, նույնիսկ այսօր՝ կորստից հետո, չենք գնահատում այն, բայց ուրիշ հայրենիք չենք գտնի: Այն մտածելակերպը, որով մենք էինք ապրում, բերեց մեզ այս օրվան. սովորողը մեզ համար «դոձիկ էր», գողացողը` «խառոշի»: Սովետական քրեական կուլտուրան ռոմանտիզացվեց, եկավ առաջին պլան: Մեզ տվեցին անկախություն, չհասկացանք՝ որն է դա, տվեցին ազատություն, մեզ թվաց՝ դա հիմար-հիմար խոսելն է»:

Վահան Խաչատրյանը խոսում է նաև այս օրերին մտավորականության վարքագծի, և, առհասարակ, մտավորականությանը` որպես էլիտա կորցնելու մասին։

«Այսօր հենց ինչ-որ թեմայի շուրջ խոսում ես, ուզում են մի ամբոխի մեջ մտցնել: Այսօր չկա մտավորականություն, որը կարող է խոսել ողջ հայության անունից, մտավորականությանը դարձրեցին ձեռքի խաղալիք: Հիմա իմ սերնդի արվեստագետներով հավաքվում ենք, ելքեր ենք փնտրում, ցավը զարթնեցրեց մեզ»,- նշում է ռեժիսորը:

Մանրամասները՝ տեսանյութում:

Աննա Բաբաջանյան