24.11.2024 | 11:12
Ռուբլու փոխարժեքը շարունակում է իջնել
Այս տարի արձանագրվել է վաղաժամ ազատ արձակման 365 դեպք, ի տարբերություն 2016 թ․-ի 115-ի դեպքի․ Հ․ Հարությունյան․ ՏԵՍԱՆՅՈՒԹ
Հասարակություն
25.07.2018 | 15:52
ՀՀ ԱՆ ՔԿՀ-ներում հասարակական վերահսկողություն իրականացնող դիտորդների խմբի անդամները արձանագրել են մի շարք խնդիրներ, որոնցից մեկը վերաբերում է պատժից վաղաժամ ազատման խնդրին: «Նախորդ տարիների ընթացքում ստացել ենք բողոքներ՝ կապված անկախ հանձնաժողովների գործունեության հետ, քանի որ շատ էին լինում մերժման որոշումներ, իսկ ազատազրկվածները նաև չէին կարողանում հասկանալ դրանց հիմքերը։ 2017 թվականին այս հարցով կատարվեցին մի շարք փոփոխություններ, որոնցով պայմանավորված վաղաժամկետ ազատ արձակման դեպքերի աճ արձանագրվեց, թեև, խնդիրները դրանով չլուծվեցին»,- այսօր լրագրողների հետ զրույցում ասաց դիտորդ խմբի անդամ Հասմիկ Հարությունյանը։
Ներկայացնելով կատարված աշխատանքի արդյունքում արձանագրված վաղաժամկետ ազատ արձակման դեպքերի վերաբերյալ վիճակագրությունը՝ Հասմիկ Հարությունյանը նկատեց․ «2018 թվականի մայիս ամսին կատարվեցին փոփոխություններ, և այս տարի արձանագրվել է ազատ արձակման 365 դեպք, ի տարբերություն 2016 թվականի, երբ ազատ արձակման դեպքերը հասնում էին 115-ի։ Սա նշանակում է, որ կատարված փոփոխությունները աշխատել են, սակայն դեռևս կան մի շարք ընթացակարգային խնդիրներ՝ կապված անկախ հանձնաժողովների հետ»։
Մանրասմասները՝ տեսանյութում։
