23.02.2026 | 20:00
Իրանի դեմ ԱՄՆ-ի ռազմական գործողությունների վտանգը մեծ է․ դիվանագիտական գործարքի շանսը նվազ է․ Արմեն Պետրոսյան․ ՏԵՍԱՆՅՈՒԹ
ՀԱՄԱՍ-ի ղեկավարը «երախտագիտություն» է հայտնել Էրդողանին աջակցության համար
Քաղաքականություն
26.10.2023 | 22:20
ՀԱՄԱՍ-ի քաղաքական առաջնորդ Իսմայիլ Հանիյեհը ասել է, որ գնահատում է Թուրքիայի նախագահ Թայիփ Էրդողանին, որը պնդել է, թե ՀԱՄԱՍ-ը ահաբեկչական կազմակերպություն չէ, այլ ազատամարտիկների խումբ։ Թուրքիայի արտաքին գործերի նախարար Հաքան Ֆիդանի հետ զրույցից հետո Հանիյեհն ընդգծել է իր գոհունակությունը նախագահ Էրդողանի հայտարարությունից, գրում է Gercek news-ը։
«Այսօր ես հաճույք ունեցա հանդիպելու Թուրքիայի արտգործնախարար Հաքան Ֆիդանի հետ։ Մենք մեր երախտագիտությունը հայտնեցինք Թուրքիայի նախագահ Ռեջեփ Թայիփ Էրդողանի ելույթի համար։ Մենք գնահատում ենք Թուրքիայի ջանքերը՝ աջակցելու Պաղեստինի ժողովրդի արդար դատին՝ ինչպես տարածաշրջանային, այնպես էլ համաշխարհային մասշտաբով»,- ասել է նա։
Հավելենք, որ նախօրեին Էրդողանը հայտարարել էր, որ ՀԱՄԱՍ-ն «ահաբեկչական կազմակերպություն չէ»։
«Իսրայե՛լ, դու կարող ես կազմակերպություն դառնալ։ Արևմուտքը ձեզ շատ բան է պարտական, բայց Թուրքիան ձեզ ոչինչ պարտք չէ։ ՀԱՄԱՍ-ն ահաբեկչական կազմակերպություն չէ, այլ ազատագրական, մոջահեդների խմբավորում, որը պայքարում է իր հողերն ու քաղաքացիներին պաշտպանելու համար»,- ասել էր նա։
Էմմա Չոբանյան
