24.07.2026 | 11:06
ՖԻԴԵ-ի նախագահը հայտարարել է պաշտոնից հեռանալու մասին
Թուրքիայի բաժնետոմսերն աշխարհում ամենաշատ անկումն են ապրել Իսրայելի շուրջ իրավիճակի պատճառով․ նպաստել են ՀԱՄԱՍ-ին աջակցող Էրդողանի կոչերը
Քաղաքականություն
26.10.2023 | 23:16
Թուրքական բաժնետոմսերն ամենաշատ անկումն են ապրել ամբողջ աշխարհում, քանի որ ներդրողները նյարդայնացել են Իսրայելի հետ երկրի հարաբերությունների հնարավոր հետագա վատթարացման և հինգշաբթի օրվա տոկոսադրույքի որոշման առնչությամբ, գրում է Bloomberg-ը։
Borsa Istanbul 100 Index-ն ընկել է 7,1%-ով, ինչն ամենամեծ անկումն է փետրվարյան ավերիչ երկրաշարժերից հետո, որը նաև գտնվում էր ամենավատ ամսական անկման ճանապարհին վերջին ավելի քան երեք տարվա ընթացքում: Նվազմանն ամենաշատը նպաստել է առաջատար ավիափոխադրող Turkish Airlines-ը՝ 6,2% անկումով:
Այս ամենին նպաստել են նաև Թուրքիայի նախագահ Ռեջեփ Թայիփ Էրդողանի նախօրեի հայտարարությունները, որով նա քննադատել է Իսրայելին, իսկ ՀԱՄԱՍ-ին անվանել «ազատագրողներ, որոնք պայքարում են իրենց հողի համար»։
«Աշխարհաքաղաքական մտահոգությունները, կարծես, նյարդայնացրել են ներդրողներին, և ճնշումն ուժեղացել է մի շարք բրոքերների կողմից, որոնք աշխատում են օտարերկրյա ինստիտուցիոնալ ներդրողների հետ»,- լրատվամիջոցին ասել է Ստամբուլի Global Securities-ի ավագ թրեյդեր Ջան Օքսունը:
Էմմա Չոբանյան
