23.06.2026 | 10:37
Արտարժույթների փոխարժեքները՝ հունիսի 23-ի դրությամբ
Երևանում դատարկ բնաբաժակները լրացվում են նոր ծառերով
Հասարակություն
25.10.2023 | 18:38
Մաշտոցի պողոտայում դատարկ բնաբաժակների տեղում փոսեր են փորվել․ սա այսօր արձանագրել է Factor TV-ի խցիկը։ Երևանի քաղաքապետարանից տեղեկացնում են, որ մեկնարկել են արժեքավոր ծառատեսակների լրացման աշխատանքներ, որի ընթացքում երևանյան մայթեզրերին, այգիներում ու պուրակներում կլրացվեն և կտնկվեն շուրջ 1000 արժեքավոր ծառեր: Այժմ Մաշտոցի պողոտայում արևելյան սոսիներ են տնկվում են։
Երկուշաբթի քաղաքապետարանի գործակարգավարական խորհրդակցության ընթացքում «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանն էր տեղեկացրել, որ Երևանում մեկնարկում են արժեքավոր ծառատեսակների լրացման աշխատանքներ։ «Մաշտոցի պողոտայում, Սայաթ-Նովայի և մի շարք այլ պողոտաներում, որտեղ ծառատեսակներն արժեքավոր են, լրացման գործընթացն սկսվում է այսօրվանից»,- հայտնել էր Բեգոյանը։
Նոյեմբերի 1-ից էլ, ըստ Արմեն Բեգոյանի, կմեկնարկեն աշնանային էտի, իսկ նոյեմբերի 15-ից՝ կենսունակությունը կորցրած ծառերի փոխարինման աշխատանքները։ Հիշեցնենք, որ Factor TV-ն բազմիցս անդրադարձել էր տևական ժամանակ դատարկ մնացող բնաբաժակների խնդրին, Երևանի քաղաքապետ Տիգրանն Ավինյանն էլ մեզ հետ հարցազրույցում ասել էր՝ տարիներ առաջ հատված ծառերի տեղում նորեր ծառատեսակներ կտնկվեն։
Արփի Հակոբյան
