02.11.2024 | 15:05
«Գոյ» թատրոնը կվերսկսի իր բնականոն աշխատանքը
Չինաստանի պաշտպանության նախարարը պաշտոնանկ է արվել․ նա վերջին երեք ամսում աշխատանքից հեռացված երկրորդ բարձրաստիճան պաշտոնյան է
Քաղաքականություն
24.10.2023 | 22:04
Չինաստանի պաշտպանության նախարարը պաշտոնանկ է արվել․ սա վերջին երեք ամսում բարձրաստիճան պաշտոնյայի աշխատանքից հեռացման երկրորդ դեպքն է։ Այս մասին գրում է Reuters-ը՝ հավելելով, թե սա հարցեր է առաջացնում Չինաստանի նախագահ Սի Ցզինպինի ղեկավարած թիմի կայունության վերաբերյալ:
Գեներալ Լի Շանգֆուն, որը երկու ամիս բացակայում էր հանրության տեսադաշտից, ազատվել է պաշտպանության նախարարի և նահանգային խորհրդականի պաշտոններից։ Պեկինը նաև հայտարարել է, որ հուլիսին արտգործնախարարի պաշտոնից հեռացված Ցին Գանգին զրկել են պետական խորհրդականի պաշտոնից։
Նշվում է, որ Չինաստանի բարձրագույն օրենսդիրները՝ Ազգային Ժողովրդական Կոնգրեսի մշտական հանձնաժողովը, հավանություն են տվել երկու պաշտոնյաների հեռացմանը։
Թե ով է փոխարինելու ՊՆ ղեկավարին, առայժմ չի նշվում։
65-ամյա Լիին վերջին անգամ տեսել են օգոստոսի 29-ին: Ավելի վաղ տեղեկություններ էին հայտնվել, որ նա հետաքննության է ենթարկվել սարքավորումների գնման և մշակման հետ կապված կոռուպցիայի կասկածանքով:
Էմմա Չոբանյան
