24.07.2026 | 14:49
Էբոլայի իրավիճակը աշխարհում՝ հուլիսի 24-ի դրությամբ
Արգենտինայում նախագահական ընտրություններ են
Քաղաքականություն
22.10.2023 | 16:07
Այսօր Արգենտինան քվեարկում է նոր նախագահի և փոխնախագահի համար։ Հաղթողները պաշտոնը կստանձնեն դեկտեմբերի 10-ին: Արգենտինացիները նաև քվեարկում են Ազգային Կոնգրեսի անդամների և նահանգների նահանգապետերի, մասնավորապես՝ ստորին պալատի 130 ներկայացուցիչների և 24 ազգային սենատորների օգտին: Հայտնում է Al Jazeera-ն։
Երկրի գլխավոր պաշտոնի համար պայքարի առաջատարներն են ծայրահեղ աջ քաղաքական գործիչ Խավիեր Մայլին, «Միասին հանուն փոփոխությունների» ընդդիմադիր կուսակցությունից անվտանգության նախկին նախարար Պատրիսիա Բուլրիխը և իշխող «Միություն հանուն Հայրենիքի» դաշինքի թեկնածու, էկոնոմիկայի գործող նախարար Սերխիո Մասսան:
Հեռացող նախագահը ձախակողմյան Ալբերտո Ֆերնանդեսն է, ով չի առաջադրում իր թեկնածությունը վերընտրվելու համար։ «Ակնհայտ է, որ մենք չհասանք այն ամենին, ինչ նախատեսել էինք», – ասել է Ֆերնանդեսը՝ ապրիլին հայտարարելով իր որոշման մասին:
Արգենտինայում ընտրատեղամասերը կփակվեն 18.00-ին: Ակնկալվում է, որ արդյունքները հայտնի կդառնան տեղական ժամանակով կիրակի երեկոյան։
