14.10.2026 | 14:10
Սերգեյ Լավրովն Ադրբեջան կայցելի
ՀՀ ԱՆ-ում կայացել է երեխաների նկատմամբ բռնության արձագանքման առկա ընթացակարգերի գնահատմանն ուղղված համաժողով
Հասարակություն
24.07.2018 | 19:39
Հուլիսի 19-ից 21-ը տեղի է ունեցել երեխաների նկատմամբ բռնության արձագանքման առկա ընթացակարգերի գնահատմանն ուղղված համաժողով. տեղեկացնում է ՀՀ արդարադատության նախարարության լրատվական ծառայությունը:
Հանդիպմանը ներկա են եղել շահագրգիռ գերատեսչությունների, պետական և հասարակական կառույցների շուրջ չորս տասնյակ ներկայացուցիչներ, տեղական և միջազգային փորձագետներ։
ՀՀ արդարադատության նախարարի տեղակալ Սուրեն Քրմոյանը ողջունել է բոլորին և կարևորել երեխաների նկատմամբ բռնության արձագանքման անհրաժեշտությունը, անչափահասների արդարադատության ոլորտում միջգերատեսչական համագործակցությունը, հետազոտական և վիճակագրական արդյունքների հիման վրա քաղաքականության մշակման և բարեփոխումների իրականացման անհրաժեշտությունը:
Հաջորդիվ ելույթ են ունեցել ՀՀ աշխատանքի և սոցիալական հարցերի նախարարի տեղակալ Ա․ Մանուկյանը, Հայաստանում ՄԱԿ-ի մանկական հիմնադրամի Անչափահասների արդարադատության ծրագրի համակարգող տկն Վ. Օհանյանը, ՄԱԿ-ի մանկական հիմնադրամի փորձագետ տկն Լ․Է. Ինդրեյտենը, որոնք հանդես են եկել գործընկերության հետագա զարգացումներին աջակցող նախաձեռնությամբ։
Եռօրյա համաժողովի մասնակցային քննարկումների և խմբային աշխատանքների արդյունքում խորհրդի անդամները, գլոբալ գործընկերության անդամակցությամբ պայմանավորված, իրականացրել են ինքնագնահատում, ինչպես նաև քննարկել Հայաստանում երեխաների հանդեպ բռնությունը մինչ 2030-ը վերջ դնելու ճանապարհային քարտեզի առաջնահերթությունները, կանխարգելման և արձագանքման գործողությունների շեշտադրումների շրջանակը:
Անչափահասների արդարադատության խորհրդի քարտուղարությունը իրականացվում է «Իրավական կրթության և վերականագնողական ծրագրերի իրականացման կենտրոն» ՊՈԱԿ-ի կողմից:
