02.11.2024 | 17:34
ՀՀ առողջապահության և էկոնոմիկայի նախարարները քննարկել են Հայաստանում առողջապահական զբոսաշրջության զարգացման միտումները
Մերձավոր Արևելքում ԱՄՆ զորքերի ղեկավարը անսպասելիորեն ժամանել է Կահիրե
Քաղաքականություն
19.10.2023 | 22:08
Մերձավոր Արևելքում ԱՄՆ զինված խմբավորման ղեկավար Մայքլ Կուրիլան չհայտարարված այցով ժամանել է Եգիպտոս՝ հանդիպելու նախագահ Աբդել Ֆաթահ Սիսիի հետ, գրում է BBC-ն։
Հաղորդվում է, որ այցի նպատակն է Եգիպտոսի իշխանությունների հետ քննարկել Գազայի հատված մարդասիրական օգնության արագ հասցնելու տարբերակները «Ռաֆահ» անցակետով։
Նախնական պայմանավորվածություն արդեն իսկ ձեռք է բերվել ԱՄՆ-ի, Եգիպտոսի ու Իսրայելի միջև, սակայն ավելի քան 100 բեռնատարները դեռ կանգնած են սահմանին։
Կողմերը մտավախություն ունեն, որ բեռնատարները կարող են ընկնել ՀԱՄԱՍ-ի ձեռքը, մինչդեռ առանց սննդի, ջրի ու դեղորայքի մնացած պաղեստինցիների վիճակը ամեն ժամ վատանում է։ Ամենավաղ ժամկետը, երբ կարող է օգնությունը տրամադրվել, ուրբաթն է։
Մայքլ Կուրիլան ասել է, որ դա հիմա առաջնահերթ խնդիրն է։ Նա նաև հանդիպելու է Եգիպտոսի պաշտպանության նախարար Մոհամմեդ Զաքիի հետ։
