16.05.2026 | 11:00
Դեսպան Նարեկ Մկրտչյանը հանդիպել է The James Madison Institute-ի փոխնախագահի հետ
Մոսկվայի մարզում հայտնաբերել են Ստաս Նամինի որդու ու զոքանչի մարմինները
Քաղաքականություն
19.10.2023 | 15:26
Մոսկվայի մարզի Իստրա շրջանում սպանված են գտել ռոք երաժիշտ Ստաս Նամինի որդուն և զոքանչին, հայտնում է Meduza-ն։
ՌԴ Քննչական կոմիտեի գլխավոր քննչական վարչությունը տելեգրամում հաղորդագրություն է հրապարակել Կրյուկովո գյուղում թոշակառուի և նրա 30-ամյա թոռան սպանության մասին՝ չնշելով զոհերի անունները։ Ըստ հաղորդագրության՝ զոհերի մարմիններին եղել են կտրած-ծակած վերքեր, իսկ հանցագործության վայրում հայտնաբերվել է դանակ և մուրճ։
Սպանության կասկածանքով բերման է ենթարկվել մահացած Արտյոմ Միկոյանի խորթ եղբայրը՝ 39-ամյա Ռոման Միկոյանը։ Ըստ քննիչների՝ նա նախ հարվածել է 85-ամյա Պոլինա Տկաչենկոյի գլխին, ապա արդեն փողոցում դանակով հարձակվել է եղբոր՝ Արտյոմի վրա։ Baza-ն էլ գրում է, որ սպանությունից հետո ոստիկանություն է զանգահարել ինքը՝ Ռոման Միկոյանը։ Նախնական տվյալներով՝ սպանության դրդապատճառը կարող էր լինել հարազատների միջև ծագած գույքային վեճը։
Ռոք երաժիշտը պատմել է, որ երկար տարիներ չի շփվել իր որդեգիր տղայի՝ Ռոմանի հետ։
Ստաս Նամինը խորհրդային հայտնի քաղաքական գործիչ Անաստաս Միկոյանի թոռն է։ Նա հայտնի երաժիշտ է, կոմպոզիտոր, ռեժիսոր և պրոդյուսեր, «Ցվետի» խմբի հիմնադիրը։
