16.12.2025 | 16:20
Կիևի «Դինամոյի» գլխավոր մարզիչ․ «Նոայի» դեմ խաղում պետք է պահենք ակումբի դեմքը․ ՏԵՍԱՆՅՈՒԹ
ԵՄ-ն երկարաձգել է Իրանի դեմ պատժամիջոցները միջուկային գործարքի խախտումների պատճառով
Քաղաքականություն
18.10.2023 | 16:00
Եվրամիությունը որոշել է պահպանել Իրանի դեմ պատժամիջոցները՝ միջուկային համաձայնագրի խախտումների պատճառով, գրում է DW-ն։
Բացի այդ, երկարաձգվում են Իրանի Իսլամական հեղափոխության պահապանների կորպուսի (ԻՀՊԿ) դեմ պատժամիջոցները և զենքի ու հրթիռների վաճառքի արգելքը։
Պատժամիջոցների երկարաձգումը նշանակում է, որ ԵՄ-ն կշարունակի սահմանափակումները Իրանի Իսլամական Հանրապետության միջուկային և հրթիռային ծրագրերում ներգրավված անձանց և կազմակերպությունների նկատմամբ: ԵՄ հայտարարության մեջ նշվում է, որ որոշումը կապված չէ Թեհրանի կողմից հոկտեմբերի 7-ին Իսրայելի վրա հարձակված ՀԱՄԱՍ ահաբեկչական խմբավորմանն աջակցելու հետ։
2015 թվականին Իրանը ստորագրել է, այսպես կոչված, Գործողությունների համատեղ համապարփակ ծրագիրը (ԳՀՀԾ) «վեցյակի խմբի» հետ, որը ներառում էր ԱՄՆ-ը, Ռուսաստանը, Չինաստանը, Մեծ Բրիտանիան, Գերմանիան և Ֆրանսիան։ Ծրագիրը նախատեսում էր Իրանի նկատմամբ տնտեսական պատժամիջոցների աստիճանական վերացում՝ նրա միջուկային ծրագրի կրճատման դիմաց, սակայն 2018 թվականին Միացյալ Նահանգները, որի նախագահն այն ժամանակ Դոնալդ Թրամփն էր, հայտարարեց, որ դուրս է գալիս համաձայնագրից և վերսկսում է Իրանի դեմ սահմանափակող միջոցները։
Թեհրանն իր հերթին հրաժարվեց համաձայնագրի կատարումից։
