24.07.2026 | 10:03
ԱՄՆ-ն 13-րդ գիշերն անընդմեջ հարվածել է Իրանին, զոհեր կան. Թեհրանը թիրախավորել է ամերիկյան բազաները
Բայրամովը Մեծ Բրիտանիայի ԱԳ նախարարի հետ քննարկել է ՀՀ-ի հետ խաղաղության գործընթացն ու դժգոհել «հակաադրբեջանական քայլերից»
Քաղաքականություն
17.10.2023 | 20:07
Ադրբեջանի արտգործնախարար Ջեյհուն Բայրամովը հեռախոսազրույց է ունեցել Մեծ Բրիտանիայի արտաքին համագործակցության և զարգացման հարցերով պետնախարար Ջեյմս Քլևերլիի հետ։
«Հեռախոսազրույցի ընթացքում քննարկվել են երկու երկրների միջև համագործակցության օրակարգի հեռանկարները, ինչպես նաև Հարավային Կովկասում տիրող իրավիճակը, հարաբերությունների կարգավորման ներկա վիճակը և Ադրբեջանի ու Հայաստանի միջև խաղաղությանը գործընթացը»,- ասվում է Ադրբեջանի ԱԳՆ-ի հայտարարության մեջ;
Բայրամովը փորձել է նաև արդարացնել սեպտեմբերի 19-ին Արցախի դեմ Բաքվի ագրեսիան և իրականացրած էթնիկ զտումները։ Նա նաև դժգոհել է միջազգային, իբր, «հակաադրբեջանական քայլերից, որոնք վնասում են խաղաղության պատմական հնարավորություններին և չեն նպաստում դրան ուղղված ջանքերին»։
Հավելենք, որ ավելի վաղ ՀՀ ԱԳ նախարար Արարատ Միրզոյանը նույնպես հեռախոսազրույց է ունեցել Ջեյմս Քլևերլիի հետ։
Էմմա Չոբանյան
