15.09.2026 | 19:14
Զախարովան հայտարարել է, որ ԵՄ-ին Հայաստանի անդամակցելու հանրաքվեի վերաբերյալ Մոսկվայի դիրքորոշումը չի փոխվել
Ջո Բայդենը կարող է այցելել Իսրայել
Քաղաքականություն
16.10.2023 | 18:05
ԱՄՆ նախագահ Ջո Բայդենը դիտարկում է Իսրայել այցը՝ որպես համերաշխության դրսևորում, սակայն ժամկետը ճշգրտված չէ։ Այս մասին հայտնել է ԱՄՆ վարչակազմի բարձրաստիճան պաշտոնյան, գրում է i24NEWS-ը։
Չնայած առաջիկա այցի մասին Իսրայելի բազմաթիվ հաղորդումներին՝ Սպիտակ տան աղբյուրը i24NEWS-ին ասել է, որ նախագահ Բայդենը հետաձգել է ծրագրված այցը Կոլորադո նահանգ, սակայն ասել է, որ նախագահը կմնա Վաշինգտոնում՝ մասնակցելու ազգային անվտանգության ոլորտին վերաբերող հանդիպումներին:
Իսրայելական լրատվամիջոցները հայտնել էին, որ Ջո Բայդենի այցը կարող է տեղի ունենալ մինչև չորեքշաբթի կամ հինգշաբթի, սակայն ԱՄՆ նախագահի պաշտոնական այցը հրապարակայնորեն չի հաստատվել:
Հավելենք, որ ԱՄՆ պետքարտուղար Էնթոնի Բլինքենը հոկտեմբերի 12-ին Թել Ավիվ կատարած այցից հետո այսօր կրկին ժամանել է Իսրայել։
Էմմա Չոբանյան
