24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Գազայի հյուսիսը լքել է մոտ 500 000 մարդ
Քաղաքականություն
16.10.2023 | 12:45
Իսրայելի պաշտպանության բանակի մամուլի կցորդ փոխգնդապետ Ջոնաթան Կոնրիկուսը լրագրողներին ասել է, որ իսրայելական բանակի հաշվարկներով մոտ կես միլիոն մարդ լքել է Գազայի հյուսիսային հատվածը, գրում է BBC-ի ռուսական ծառայությունը։ Իսրայելը, որը պատաստվում է զորքը մտցնել Գազա, պահանջել էր, որպեսզի քաղաքացիական բնակչությունը տարհանվի հարավ։
Իսրայելի պաշտպանության բանակի մամուլի կցորդը ՀԱՄԱՍ-ին մեղադրել է այն բանում, որ թույլ չի տալիս խաղաղ բնակիչների տարհանումը: Կոնրիկուսի խոսքով՝ Գազայում ռազմական գործողությունը մոտենում է «ուժեղացված» փուլին։
Պատասխանելով տարհանման միջանցքին ավիահարված հասցնելու մասին հարցին, որը պաղեստինցիների պնդմամբ՝ 70 մարդու կյանք է խլել՝ Կոնրիկուսն ասել է միայն, որ Իսրայելի պաշտպանության բանակը միտումնավոր չի թիրախավորում խաղաղ բնակիչներին: Նա նաև նշել է, որ ներկա գործողության բնույթն այնպիսին է, որ քաղաքացիական բնակչության շրջանում զոհերից խուսափելը միշտ չէ, որ հաջողվում է։
«Մենք հարվածում ենք ՀԱՄԱՍ-ին, հարվածում ենք նրանց ենթակառուցվածքին և ակտիվորեն որսում ենք նրանց հրամանատարներին։ Երբ դուք որսում եք կենդանի թիրախ, որը կարող է շարժման մեջ լինել, հասկանալի պատճառներով միշտ չէ, որ հնարավոր է կիրառել նույն մարտավարությունը նախազգուշացուման, որը թույլ կտա նվազագույնի հասցնել կողմնակի վնասը, քանի որ այդ անձը կիմանա, որ իրեն որսում են և կարող է փախչել»,-ասել է Իսրայելի բանակի պաշտոնյան։
