Գազայի հատվածում գնդակոծվել է փախստականների շարասյունը. նոր մանրամասներ

Ուրբաթ օրը՝ հոկտեմբերի 13-ին, Գազայի հատվածում փախստականների շարասյան ուղղությամբ հարված է հասցվել, որի հետևանքով զոհվել է առնվազն 12 մարդ, այդ թվում՝ երեխաներ:

BBC-ի ռուսական ծառայության փոխանցմամբ՝ որոշ տվյալներով՝ Սալահ-ալ-Դին մայրուղին, որտեղ դա տեղի է ունեցել, իսրայելցի զինվորականների կողմից առաջարկվել է որպես անվտանգ երթուղի։

Դրա հաստատումը, սակայն, չկա։ Շաբաթ օրը իսրայելական բանակը, իրոք, հայտարարել է, որ այդ օրվա ժամը 12- 16:00-ի սահմաններում պաղեստինցիները կարող են հանգիստ տարհանվել երկու երթուղիներով՝ Դալդուլ և Ալ-ՍԱՆԱ մայրուղիներով՝ չվախենալով գնդակոծությունից:

Արդյոք նախօրեին խոսքը Սալահ-ալ-Դին երթուղու մասին է եղել, հաստատ հայտնի չէ։

Իսրայելական հրամանատարությունը հայտարարել է, որ հետաքննում է տեղի ունեցածի հանգամանքները և վարկած է առաջ քաշել, որ զինյալներն իրենք են փորձում խոչընդոտել խաղաղ բնակիչների տարհանմանը, որպեսզի Իսրայելին մեղադրեն մեծ թվով զոհերի մեջ:

Միևնույն ժամանակ, BBC-ի BBC Verify բաժինը վերլուծել է մահվան վայրի տեսանյութը և հայտնում է, որ մահացածներից մի քանիսը բեռնատարի ուղևորներ են, որոնք մեծապես տուժել են գնդակոծության հետևանքով: Մյուս զոհերը ընկած են ճանապարհի երկայնքով:

Զոհվածների թվում կան երեխաներ, նրանցից ամենափոքրը կարող է լինել 2-5 տարեկան։ Ըստ BBC-ի՝ դատելով տեսանյութից ՝ կարելի է ենթադրել, որ հարվածը հասցվել է երեկոյան 17:30-ի սահմաններում:

Պաղեստինի առողջապահության նախարարությունը հայտնում է, որ առնվազն 70 մարդ է զոհվել:

Ավելի վաղ իսրայելական բանակը Գազայում պաղեստինցիներին կոչ էր արել 24 ժամվա ընթացքում լքել հատվածի հյուսիսային շրջանները: